Múmkindigi shekteýli 617 azamat sanatorıalarda densaýlyqtaryn túzep qaıtty. Sol sıaqty «Invataksı» qyzmeti úshin jergilikti búdjetten 14903,0 myń teńge qolarbada otyratyn múmkindigi shekteýli azamattarǵa qyzmet kórsetý úshin qarjy bólindi. Búgingi tańda 2 ınvataksı avtokóligi jolǵa qoıyldy jáne 2 – dıspecherlik kezekshi, 1 – medısınalyq dáriger, 1 – kómekshi (avtokólikke minip túsirýshi) qyzmetshileri 172 múmkindigi shekteýli azamattarǵa qyzmetter kórsetilýde.
2017 jyly Jetisaı qalasynda «Múgedek balalardy ońaltý ortalyǵy jáne 2018 jyldyń 12 sáýirden bastap Asyqata kentinde «Asyqata múgedek balalardy ońaltý ortalyǵy» komýnaldyq memlekettik mekemeleri óz jumystaryn bastady.
Qazirgi tańda Jetisaı aýdanynda 70 mektep jumys isteıdi, olardyń 62-i tıptik, 8-i yńǵaılastyrylǵan ǵımarattarda jaıǵasqan. Apatty jáne úsh aýysymdaǵy mektepter joq. Búgingi tańda aýdanymyzda 7 mekteptiń qurylysy júrgizilýde. Aýdan boıynsha 20 memlekettik bala-baqsha, 25 mektep janyndaǵy shaǵyn ortalyq jáne 138 jekemenshik balabaqshada 16 myń 768 bala tárbıelenýde, ıaǵnı 3-6 jastaǵy balalardy qamtý 94,4 paıyzdy quraıdy.
