مۇمكىندىگى شەكتەۋلى 617 ازامات ساناتوريالاردا دەنساۋلىقتارىن تۇزەپ قايتتى. سول سياقتى «ينۆاتاكسي» قىزمەتى ءۇشىن جەرگىلىكتى بيۋدجەتتەن 14903،0 مىڭ تەڭگە قولاربادا وتىراتىن مۇمكىندىگى شەكتەۋلى ازاماتتارعا قىزمەت كورسەتۋ ءۇشىن قارجى ءبولىندى. بۇگىنگى تاڭدا 2 ينۆاتاكسي اۆتوكولىگى جولعا قويىلدى جانە 2 – ديسپەچەرلىك كەزەكشى، 1 – مەديسينالىق دارىگەر، 1 – كومەكشى (اۆتوكولىككە ءمىنىپ ءتۇسىرۋشى) قىزمەتشىلەرى 172 مۇمكىندىگى شەكتەۋلى ازاماتتارعا قىزمەتتەر كورسەتىلۋدە.
2017 جىلى جەتىساي قالاسىندا «مۇگەدەك بالالاردى وڭالتۋ ورتالىعى جانە 2018 جىلدىڭ 12 ساۋىردەن باستاپ اسىقاتا كەنتىندە «اسىقاتا مۇگەدەك بالالاردى وڭالتۋ ورتالىعى» كوممۋنالدىق مەملەكەتتىك مەكەمەلەرى ءوز جۇمىستارىن باستادى.
قازىرگى تاڭدا جەتىساي اۋدانىندا 70 مەكتەپ جۇمىس ىستەيدى، ولاردىڭ 62ء-ى تيپتىك، 8ء-ى ىڭعايلاستىرىلعان عيماراتتاردا جايعاسقان. اپاتتى جانە ءۇش اۋىسىمداعى مەكتەپتەر جوق. بۇگىنگى تاڭدا اۋدانىمىزدا 7 مەكتەپتىڭ قۇرىلىسى جۇرگىزىلۋدە. اۋدان بويىنشا 20 مەملەكەتتىك بالا-باقشا، 25 مەكتەپ جانىنداعى شاعىن ورتالىق جانە 138 جەكەمەنشىك بالاباقشادا 16 مىڭ 768 بالا تاربيەلەنۋدە، ياعني 3-6 جاستاعى بالالاردى قامتۋ 94،4 پايىزدى قۇرايدى.
