Bul stansa Jetisai qalasynyń irgesindegi burynǵy kúl-qokys poligonynyń ornynan boi kótermek. Ondaǵy jer kólemi 10,7 gektardy quraidy. Atalǵan invest jobanyń iske asýyna germaniialyq «NW COMP SOLAR GMBX» qoldai bildirgeli otyr.
Sondai-aq, aldaǵy jyly Jetisai aýdanynda reseilik «Avellar» kompaniiasynyń ózindik qarjysy esebinen qýattylyǵy 20 Mvt kún elektrstansasyn salý josparlanýda.
Jobaǵa búginde ákimdik tarapynan qajetti 40 gektar jer ýchaskesi mashinalyq ádispen sýǵarý kanaly janynan usynylyp otyr.
Budan bólek, aldaǵy jyly aýdanda 20 gektarǵa záitún aǵashyn otyrǵyzý oilastyrylýda. Bul iske ispandyq jáne almatylyq kásipkerler qyzyǵýshylyq tanytyp otyr. Osy maqsatta aýdan ákimi Jamantai Beisenbaev kásipkerlermen arnaiy kezdesip, nátijesinde jobaǵa qajetti úsh jer ýchaskesin usyndy. Endi ispandyq kásipkerler usynylǵan jerlerdiń topyraqtaryn saraptama jasap, qorytyndysy talapqa sai kelip jatsa, jer telimderin egistikke daiyndaýǵa kelisimderin berdi.
Sondai-aq, aýdan kásipkerleriniń qoldaýymen óńirde baqsha daqyldaryn qaita óńdep, daiyn ónim shyǵarýǵa baǵyttalǵan jobany iske asyrý kózdelýde. Bul maqsatta ákimdik tarapynan jobany iske asyrýǵa qajetti jer ýchaskesi qarastyrylýda. 100 mln.teńgeni quraityn joba qýattylyǵy táýligine 10 tonna ónim shyǵarýǵa qaýqarly.
