Qol terim jumystaryn uıymdastyrýda Jańa aýyl okrýginiń maqtashylary ózgelerden oq boıy ozyq tur. Jańaaýyldyqtar búginde 465 gektar maqta alqabyn terip úlgergen. Aýdanda maqta alqabyna alǵashqy kombaındar da túse bastady. Kúni keshe ǵana Yntymaq aýyldyq okrýgindegi 17 gektar alqapqa kombaın túsip, 30 tonna ónim jınaldy. Al jalpy alynǵan ónim kólemi 3380 tonnaǵa jetip otyr. Búgin bul týraly Jetisaı aýdanynyń ákimi Jamantaı Beısenbaevtyń qatysýymen ótken apparat otyrysynda aýdan ákiminiń orynbasary Asan Mahanbetov málim etti.
Qazirgi tańda aýdanda 24222 gektar maqta alqaby defolıasıalanǵan. Bul jumystardy nátıjeli júrgizýde Atameken aýyl okýrigi kósh bastap keledi. Munda búginge deıin 4950 gektar maqta alqabynda qýratý sharalary aıaqtalǵan.
Jıyn barysynda «Aq kerýen» sharasyna daıyndyq barysy da talqylandy. Sondaı-aq, aýyl sharýashylyǵy jerlerin sıfrlandyrý úderisiniń jaı-kúıi de sóz boldy. Qazirgi tańda aýdanymyzdaǵy egistik jerlerdiń 61 paıyzy elektrondy kartaǵa engizilgen. Alaıda bul kórsetkishti kún sanap jaqsartý qajet. Osy máselege mán berýge shaqyrǵan aýdan ákimi tıisti sala basshylaryna jumysty shıratýdy tapsyrdy.
Jetisaı aýdany ákiminiń baspasóz qyzmeti
