قول تەرىم جۇمىستارىن ۇيىمداستىرۋدا جاڭا اۋىل وكرۋگىنىڭ ماقتاشىلارى وزگەلەردەن وق بويى وزىق تۇر. جاڭااۋىلدىقتار بۇگىندە 465 گەكتار ماقتا القابىن تەرىپ ۇلگەرگەن. اۋداندا ماقتا القابىنا العاشقى كومبايندار دا تۇسە باستادى. كۇنى كەشە عانا ىنتىماق اۋىلدىق وكرۋگىندەگى 17 گەكتار القاپقا كومباين ءتۇسىپ، 30 توننا ءونىم جينالدى. ال جالپى الىنعان ءونىم كولەمى 3380 تونناعا جەتىپ وتىر. بۇگىن بۇل تۋرالى جەتىساي اۋدانىنىڭ اكىمى جامانتاي بەيسەنبايەۆتىڭ قاتىسۋىمەن وتكەن اپپارات وتىرىسىندا اۋدان اكىمىنىڭ ورىنباسارى اسان ماحانبەتوۆ ءمالىم ەتتى.
قازىرگى تاڭدا اۋداندا 24222 گەكتار ماقتا القابى دەفولياسيالانعان. بۇل جۇمىستاردى ناتيجەلى جۇرگىزۋدە اتامەكەن اۋىل وكۋرىگى كوش باستاپ كەلەدى. مۇندا بۇگىنگە دەيىن 4950 گەكتار ماقتا القابىندا قۋراتۋ شارالارى اياقتالعان.
جيىن بارىسىندا «اق كەرۋەن» شاراسىنا دايىندىق بارىسى دا تالقىلاندى. سونداي-اق، اۋىل شارۋاشىلىعى جەرلەرىن سيفرلاندىرۋ ۇدەرىسىنىڭ جاي-كۇيى دە ءسوز بولدى. قازىرگى تاڭدا اۋدانىمىزداعى ەگىستىك جەرلەردىڭ 61 پايىزى ەلەكتروندى كارتاعا ەنگىزىلگەن. الايدا بۇل كورسەتكىشتى كۇن ساناپ جاقسارتۋ قاجەت. وسى ماسەلەگە ءمان بەرۋگە شاقىرعان اۋدان اكىمى ءتيىستى سالا باسشىلارىنا جۇمىستى شيراتۋدى تاپسىردى.
جەتىساي اۋدانى اكىمىنىڭ باسپا ءسوز قىزمەتى
