– Búgingi tańda aýdanymyzda júzim kólemi jyl sanap artyp keledi. Bir ǵana Abaı aýyl okrýgindegi júzim alqaptarynyń kólemi 300 gektarǵa jýyqtaıdy. Al jalpy aýdanymyzda jemis-jıdek pen júzim kólemi 550 gektardy quraıdy. Máselen, bıyl aýdanymyzda jemis-jıdek jáne júzimnen 5388,1 tonnaǵa artyq ónim alyndy. Óndirilgen ónimniń basym bóligi kórshi Reseı men soltústik oblystarǵa jóneltildi. Al qalǵan qaldyqtar jaramsyz kúıde qalyp keledi. Sondyqtan aldaǵy jyly biz aýdanymyzdan júzimnen óndiriletin sharap zaýytyn ashýdy josparlap otyrmyz, – dedi Jamantaı Qanaıuly.
Budan bólek, jergilikti bılik oryndary Syrdarıa ózeniniń jaǵalaýynan tabıǵaty keremet 30 gektar jerge 1500 oryndyq jyl on eki aı jumys jasaıtyn demalys aımaǵyn salý josparlap otyrǵanyn bildik. Bul óz kezeginde mektep oqýshylaryn jazǵy demalys aımaǵymen 100 paıyz qamtýǵa múmkindik beretinin ákim alǵa tarty. Demalys keshenderi salynsa, onyń mańyndaǵy aýyldardaǵy halyq jumys istep, tabys tabatyny beligil. aınalmaq.
2018 jyldyń 11 aıynda 300 mln teńge ınvestısıa tartyldy. Atap aıtsaq, «Khansuar invest» JSHS jáne «Tuńǵatar» óndiristik kooperatıvteri aýdanǵa sheteldik maqta teretin kombaındar, jer jyrtýǵa aranalǵan tehnıkalar jáne basqa da aýylsharýashylyǵy tehnıkalaryn alyp kelip, aýdanǵa qosymsha 1 mlrd teńgege jýyq ınvestısıa tartyldy.
