Túrkistan oblysy, Jetisai aýdanynda jeke investorlardyń qoldaýymen birqatar áleýmettik ári sporttyq nysandar boi kóterip jatyr. Túrkistan oblysynyń BAQ ókilderi Asyqata kentine arnaiy baryp, nysandarmen tanysty,- dep habarlaidy Dalanews.kz
Jetisai aýdanynda jeke kásipkerdiń investitsiialyq qarjysy esebinen iri meditsinalyq ortalyq boi kóterdi. Asyqata kentinde boi kóterip jatqan «Samruk Medical clinic» - aýyl turǵyndarynyń ómir súrý sapasyn arttyryp, azamattardyń densaýlyǵyn jaqsartýǵa baǵyttalǵan mekeme. Onda jergilikti halyqqa sońǵy úlgidegi zamanaýi qural-jabdyqtardy paidalana otyryp, sapaly meditsinalyq qyzmet alýlaryna barlyq jaǵdailar jasalǵan. Sapaly meditsinalyq qyzmet kórsetetin ortalyqtyń búgingi tynysymen tanysý úshin Túrkistan oblysynyń BAQ ókilderi arnaiy baryp, nysanmen tanysty.
Ǵimarat qurylysy 2024 jyldyń mamyr aiynda bastalǵan. Onda ártúrli baǵyttaǵy 130 joǵary sanatty dáriger turaqty jumyspen qamtylǵan. Sonymen qatar, kúrdeli otalardyń kez-kelgen túrin jasaý múmkindigi qarastyrylyp, balalar men eresekterge arnalǵan ekpe bólmeleri men zerthanalar, múmkindigi shekteýli jandarǵa arnalǵan jedelsaty jumys isteidi. Jergilikti jáne oblystyq deńgeidegi aýrýhanalarǵa tasymaldaityn zamanaýi qural-jabdyqtarmen jabdyqtalǵan jedel járdem kólikteri de bar. Búginde qoldanysqa daiyn ortalyqtyń kúndizgi statsionarynda 10, táýliktik statsionarynda 40, terapiia bóliminde 20, al, travmatologiia bóliminde 10 tósek oryn qarastyrylǵan.
Sondai-aq, jýrnalister Asyqata eldi mekeninde jeke investor esebinen boi kóterip jatqan zamanaýi tennis ortalyǵynyń qurylys jumystarmyen tanysty. «SPORT ASSET MANAGEMENT» qoǵamdyq birlestigi qolǵa alǵan nysan 1 gektar aýmaqty alyp jatyr. Quny 1 mlrd teńgeni quraityn tennis ortalyǵynda bir mezette 200-ge tarta adam jattyǵa alady. Jattyǵýshylarǵa qolaily orta qalyptastyrý maqsatynda 2 jattyǵý zalynyń birine 9 tennis ústeli, ekinshisine 3 kúres kilemi, boks ringi, jattyǵý jabdyqtary bar. Ótken jyly qazyǵy qaǵylǵan keshen biyl qoldanysqa berilmek. Aýdanda alǵash ret salynyp otyrǵan ortalyq paidalanýǵa berilgen soń respýblikalyq, halyqaralyq bairaqty básekelerdi ótkizý múmkindigi týady.
Odan soń BAQ ókilderi Abai aýyldyq okrýgi, Halyqtar Dostyǵy eldi mekenindegi «Smail» sharýa qojalyǵynyń jumysymen tanysty. Búginde 230 gektarǵa qytailyq maqta shitin seýip, 10 gektaryna kókónis, 20 gektaryna baqsha daqyldaryn ekken. Aǵyn sý tapshylyǵynyń aldyn alyp, ónimdilikti arttyrý maqsatynda 230 gektar alqapqa sý únemdeý tehnologiiasyn engizýdi josparlap, biylǵy jyly 177 gektar jerine sý únemdeý tehnologiiasyn «BNK GROUP» kompaniiasymen iske asyrýda.
- Gektaryna ketetin ortasha shyǵynnyń 80 paiyzy memleket tarapynan sýbsidiialansa, 20 paiyzy sharýanyń esebinen tólenedi. Sý únemdeý tehnologiiasy ónim kólemin 2-2,5 esege deiin ulǵaitýǵa múmkindik beredi» - deidi qojalyq basshysy Smail Áýezov.
Jýrnalister óńirdegi qaýyn-qarbyz jiyn-terim naýqanymen de tanysty. Sońǵy 20 jyldan beri diqanshylyqpen ainalysyp kele jatqan jetisailyq sharýa Qairat Jaqypov Abai aýyldyq okrýgindegi 30 gektar egistik jeriniń 15 gektaryna qaýynnyń «Bakinka» sortyn ekse, 15 gektaryna maqta shitin sepken. Qojalyq tóraǵasynyń erte kóktemde otyrǵyzǵan kóshetteri jospardaǵy 65 kúnde emes, 70 kúnde daiyn bolyp otyr.
Sondai-aq, tilshiler óńirde atqarylyp jatqan aýyzsý qurylysy jumystarymen de tanysty. Óńir basshysy Serik Mamytovtyń tapsyrmasy nátijesinde 105 eldi mekenniń barlyǵy tolyǵymen ortalyqtandyrylǵan aýyz sý qubyrymen qamtylǵan. Aýdanda 83 dana aýyz sý uńǵymasy, 85 aýyz sý munarasy men 24 sý saqtaǵysh, sanitarlyq qorǵaý aimaqtary talapqa sai qalypty jaǵdaida jumys istep tur. Aýdanda tartylǵan 1197 shaqyrym aýyz sý qubyrlarynyń 81,5 paiyzy qanaǵattanarlyq jaǵdaida.
