Búginde Jetisaı aýdanynda 2 áleýmettik nysannyń joba smetalyq qujattamasy ázirlenip, saraptama qortyndysy alynyp, qurylys júrgizý úshin qarjy qarastyrý maqsatynda salalyq basqarmalarǵa jiberilipti.
Sonymen qatar, 3 mektep qurylysyn salý úshin joba smetalyq qujattamasy ázirlenip jatyqynyn ákim myrza alǵa tartty.
– Aýdanda densaýlyq saqtaý nysandarynyń da qurylystary júrip jatyr. Atap aıtqanda, bıyl aýdanymyzda 3 modýldyq medısınalyq trekterdiń qurylysy aıaqtaldy. Sonymen qatar, Jetisaı qalasyndaǵy jedel járdem kórsetý stansasy men aýysymyna 500 adam qabyldaıtyn emhana qurylysy jalǵasýda. Atalǵan nysan 2019 jyly el ıgiligine berilgeli otyr. Nysannyń smetalyq quny 1 mlrd 738 mln teńge. Budan bólek, 2019 jyly Jańaaýyl okrýgi Qaraoı eldimekeninde jalpy quny 89 mln 627 myń teńgeni quraıtyn FAP-tyń qurylysyn bastaý josparlanyp otyr. Dál osyndaı FAP qurylysy Jylysý aýyl okrýgi Baqqonys eldimekeninde de bastalatyn bolady. Bul maqsatqa 87 mln 623 myń teńge baǵyttalmaq, – dedi aýdan ákimi.
