Jetisai halqy ataýly áleýmettik kómektiń paidasyn kórýde
Al Jańaaýyl aýyl okrýgi Myrzashól aýylynyń turǵyny Batýlla Qiyqbai bolsa, 6 ai merzimge 498528 myń teńge alyp, maqsatty jumsapty. Búginde bul úidiń qorasynda saýyndy 2 siyr bar.
Dál osyndai qarajatty Yntymaq eldimekeniniń turǵyndary iaǵni Dúisenbekovter áýleti de tiimdi paidalanýda eken. Otbasydaǵy 6 adamǵa shaqqanda 6 aiǵa 353 myń teńge alyp, maqsatty jumsap otyr.
Sh. Dáldabekov aýyl okrýginiń turǵyny Qalqabai Shilmyrzaev ataýly áleýmettik kómektiń igiligimen 456990 tengege 2 bas saýyndy siyr satyp alypty.
– Ataýly áleýmettik kómektiń igiligin kórip otyrǵanymyz ras. 6 ailyq alatyn somany birden alǵan bizge óte tiimdi boldy. Eki saýyndy siyr alyp, balashaǵamyz aǵarǵanǵa qol jetkizdi. Aldaǵy maqsatymyz qoramyzdaǵy mal basyn kóbeitip, el qatarly ómir súrý. Jalpy qara maldyń paidasy kóp, – deidi Qalqabai Shilmyrzaev.
Ataýly áleýmettik kómektiń igiligin kórgenderdiń qatarynda Qazybek bi aýyl okrýginiń turǵyny Saltanat Artyqbaeva da bar. Ol da 6 ailyq kómekti birden alyp, 216 myń teńgege qol jetkizipti. Al ózi «Tanyr» sharýa qojalyǵynda jumysshy bolyp isteidi.
Qyzylqumdyq Ferýza Býrieva 6 aiǵa 257 myń, Yntymaq aýyl okrýginiń turǵyny Jorabek Eshanqulov 6 aiǵa 320 myń, Úshkópir aýylynyń turǵyny Jumahan Jambaev 180 myń, Janatbai Hýdaibergenov 530 myń teńge alyp, maqsatty jumsaýda.
Jetisai aýdany ákiminiń baspasóz qyzmeti
