ال جاڭااۋىل اۋىل وكرۋگى ءمىرزاشول اۋىلىنىڭ تۇرعىنى باتۋللا قيىقباي بولسا، 6 اي مەرزىمگە 498528 مىڭ تەڭگە الىپ، ماقساتتى جۇمساپتى. بۇگىندە بۇل ءۇيدىڭ قوراسىندا ساۋىندى 2 سيىر بار.
ءدال وسىنداي قاراجاتتى ىنتىماق ەلدىمەكەنىنىڭ تۇرعىندارى ياعني دۇيسەنبەكوۆتەر اۋلەتى دە ءتيىمدى پايدالانۋدا ەكەن. وتباسىداعى 6 ادامعا شاققاندا 6 ايعا 353 مىڭ تەڭگە الىپ، ماقساتتى جۇمساپ وتىر.
ش. دالدابەكوۆ اۋىل وكرۋگىنىڭ تۇرعىنى قالقاباي شيلمىرزايەۆ اتاۋلى الەۋمەتتىك كومەكتىڭ يگىلىگىمەن 456990 تەنگەگە 2 باس ساۋىندى سيىر ساتىپ الىپتى.
– اتاۋلى الەۋمەتتىك كومەكتىڭ يگىلىگىن كورىپ وتىرعانىمىز راس. 6 ايلىق الاتىن سومانى بىردەن العان بىزگە وتە ءتيىمدى بولدى. ەكى ساۋىندى سيىر الىپ، بالاشاعامىز اعارعانعا قول جەتكىزدى. الداعى ماقساتىمىز قورامىزداعى مال باسىن كوبەيتىپ، ەل قاتارلى ءومىر ءسۇرۋ. جالپى قارا مالدىڭ پايداسى كوپ، – دەيدى قالقاباي شيلمىرزايەۆ.
اتاۋلى الەۋمەتتىك كومەكتىڭ يگىلىگىن كورگەندەردىڭ قاتارىندا قازىبەك بي اۋىل وكرۋگىنىڭ تۇرعىنى سالتانات ارتىقبايەۆا دا بار. ول دا 6 ايلىق كومەكتى بىردەن الىپ، 216 مىڭ تەڭگەگە قول جەتكىزىپتى. ال ءوزى «تانىر» شارۋا قوجالىعىندا جۇمىسشى بولىپ ىستەيدى.
قىزىلقۇمدىق فەرۋزا بۋرييەۆا 6 ايعا 257 مىڭ، ىنتىماق اۋىل وكرۋگىنىڭ تۇرعىنى جورابەك ەشانقۇلوۆ 6 ايعا 320 مىڭ، ۇشكوپىر اۋىلىنىڭ تۇرعىنى جۇماحان جامبايەۆ 180 مىڭ، جاناتباي حۋدايبەرگەنوۆ 530 مىڭ تەڭگە الىپ، ماقساتتى جۇمساۋدا.
جەتىساي اۋدانى اكىمىنىڭ باسپا ءسوز قىزمەتى
