Jetisaı aýdanynda 2024 jyldyń 9 aıynda jalpy óńirlik ónim kólemi 112,5 mlrd teńgeni qurap, ótken jyldyń tıisti kezeńimen salystyrǵanda 10,2 paıyzǵa artyp otyr. Onyń ishinde, aýyl sharýashylyǵy - 64,2 mlrd teńge, saýda - 28,3 mlrd teńge, ónerkásip - 9,9 mlrd teńge, óńdeý ónerkásibi - 7,1 mlrd teńge, tartylǵan ınvestısıa kólemi - 26,2 mlrd teńge jáne qurylys kólemi - 9,9 mlrd teńgeni quraǵan, dep habarlaıdy Dalanews.kz Túrkistan oblysynyń ákiminiń baspasóz qyzmetine silteme jasap
Bul jaıynda Jetisaı aýdanynyń ákimi Serik Mamytov BAQ ókilderimen ótken brıfıńte málimdedi.
«Jetisaı aýdanynda sońǵy bes jylda 90,2 mlrd teńge ınvestısıa tartylsa, 2024-2030 jyldar aralyǵynda 419,6 mlrd. teńge ınvestısıa tartý josparlanýda. Budan bólek, aýdan aýmaǵynda quny 8,2 mlrd teńgeni quraıtyn 11 ınvestısıalyq joba júzege asyrylýda. Nátıjesinde 959 jańa jumys orny qurylmaq. Sondaı-aq, aldaǵy jyldary júzege asatyn quny 25,3 mlrd teńgeni quraıtyn 16 ınvestısıalyq jobalar aıasynda 1 803 jańa jumys orny paıda bolady. Sonymen qatar, Asyqata kentinen 50 gektar jer aýmaǵyna «Jetisaı» ındýstrıalyq aımaǵyn ashý josparlanýda. Atalǵan ındýstrıalyq aımaqta jalpy quny 47,6 mlrd teńgeni quraıtyn 11 joba ornalasady. Onda 1 862 jańa jumys ornyn qurylady»,-dedi aýdan ákimi.
Bıylǵy jyly aýdanda 79,3 myń gektar jerge aýyl sharýashylyǵy daqyldary egilgen. Ónim kólemin ulǵaıtý maqsatynda 321 sharýa qojalyq ıeleri 1 200 gektar jerden eki ret ónim alý jobasyn iske asyrǵan. Sonymen qatar, bıyl 1,2 gektar jerge jylyjaılardyń qurylysy salynyp, olardyń kólemi 23 gektarǵa jetken. Búgingi tańda 2 809 gektardy quraıtyn maqta, kókónis, baqsha, jemis-jıdek jáne júzim daqyldaryna tamshylatyp sýǵarý tehnologıasy endirilgen. Sondaı-aq, maqta daqylynan 105 myń tonna ónim alynǵan.
Aıta keteıik, búginde aýdanda «Jaıly mektep» baǵdarlamasy aıasynda Asyqata kentinen 900 oryndyq, Jetisaı qalasynan 1500 oryndyq, Yntymaq aýyldyq okrýginen 600 oryndyq mektepterdiń qurylysy júrgizilýde. Sonymen qatar, aýdandaǵy Sh.Dildabekov, Jańa aýyl, Atameken, Jetisaı qalasy «Aýyl amanaty» baǵdarlamasyna enip otyr. Osy rette jalpy 200 jobaǵa 980,5 mln.
