جەتىساي اۋدانىندا 2024 جىلدىڭ 9 ايىندا جالپى وڭىرلىك ءونىم كولەمى 112،5 ملرد تەڭگەنى قۇراپ، وتكەن جىلدىڭ ءتيىستى كەزەڭىمەن سالىستىرعاندا 10،2 پايىزعا ارتىپ وتىر. ونىڭ ىشىندە، اۋىل شارۋاشىلىعى - 64،2 ملرد تەڭگە، ساۋدا - 28،3 ملرد تەڭگە، ونەركاسىپ - 9،9 ملرد تەڭگە، وڭدەۋ ونەركاسىبى - 7،1 ملرد تەڭگە، تارتىلعان ينۆەستيسيا كولەمى - 26،2 ملرد تەڭگە جانە قۇرىلىس كولەمى - 9،9 ملرد تەڭگەنى قۇراعان، دەپ حابارلايدى Dalanews.kz تۇركىستان وبلىسىنىڭ اكىمىنىڭ باسپا ءسوز قىزمەتىنە سىلتەمە جاساپ
بۇل جايىندا جەتىساي اۋدانىنىڭ اكىمى سەرىك مامىتوۆ ب ا ق وكىلدەرىمەن وتكەن بريفينگتە مالىمدەدى.
«جەتىساي اۋدانىندا سوڭعى بەس جىلدا 90،2 ملرد تەڭگە ينۆەستيسيا تارتىلسا، 2024-2030 جىلدار ارالىعىندا 419،6 ملرد. تەڭگە ينۆەستيسيا تارتۋ جوسپارلانۋدا. بۇدان بولەك، اۋدان اۋماعىندا قۇنى 8،2 ملرد تەڭگەنى قۇرايتىن 11 ينۆەستيسيالىق جوبا جۇزەگە اسىرىلۋدا. ناتيجەسىندە 959 جاڭا جۇمىس ورنى قۇرىلماق. سونداي-اق، الداعى جىلدارى جۇزەگە اساتىن قۇنى 25،3 ملرد تەڭگەنى قۇرايتىن 16 ينۆەستيسيالىق جوبالار اياسىندا 1 803 جاڭا جۇمىس ورنى پايدا بولادى. سونىمەن قاتار، اسىقاتا كەنتىنەن 50 گەكتار جەر اۋماعىنا «جەتىساي» يندۋستريالىق ايماعىن اشۋ جوسپارلانۋدا. اتالعان يندۋستريالىق ايماقتا جالپى قۇنى 47،6 ملرد تەڭگەنى قۇرايتىن 11 جوبا ورنالاسادى. وندا 1 862 جاڭا جۇمىس ورنىن قۇرىلادى»،-دەدى اۋدان اكىمى.
بيىلعى جىلى اۋداندا 79،3 مىڭ گەكتار جەرگە اۋىل شارۋاشىلىعى داقىلدارى ەگىلگەن. ءونىم كولەمىن ۇلعايتۋ ماقساتىندا 321 شارۋا قوجالىق يەلەرى 1 200 گەكتار جەردەن ەكى رەت ءونىم الۋ جوباسىن ىسكە اسىرعان. سونىمەن قاتار، بيىل 1،2 گەكتار جەرگە جىلىجايلاردىڭ قۇرىلىسى سالىنىپ، ولاردىڭ كولەمى 23 گەكتارعا جەتكەن. بۇگىنگى تاڭدا 2 809 گەكتاردى قۇرايتىن ماقتا، كوكونىس، باقشا، جەمىس-جيدەك جانە ءجۇزىم داقىلدارىنا تامشىلاتىپ سۋعارۋ تەحنولوگياسى ەندىرىلگەن. سونداي-اق، ماقتا داقىلىنان 105 مىڭ توننا ءونىم الىنعان.
ايتا كەتەيىك، بۇگىندە اۋداندا «جايلى مەكتەپ» باعدارلاماسى اياسىندا اسىقاتا كەنتىنەن 900 ورىندىق، جەتىساي قالاسىنان 1500 ورىندىق، ىنتىماق اۋىلدىق وكرۋگىنەن 600 ورىندىق مەكتەپتەردىڭ قۇرىلىسى جۇرگىزىلۋدە. سونىمەن قاتار، اۋدانداعى ش.دىلدابەكوۆ، جاڭا اۋىل، اتامەكەن، جەتىساي قالاسى «اۋىل اماناتى» باعدارلاماسىنا ەنىپ وتىر. وسى رەتتە جالپى 200 جوباعا 980،5 ملن.
