Jetisai aýdany jasyl jelekke orandy
Bul rette Túrkistan oblysynyń tabiǵi resýrstar jáne tabiǵat paidalanýdy retteý basqarmasyna qarasty «Jasyl Jelek» memlekettik mekemesi 10200 dana (Ailend – 1000, Katalpa – 2550, Iasen (shaǵan) – 550, Klen (úieńki) – 2550, Dýb (emen) – 1000, Viaz (qaraaǵash) – 2550) túrli deńgeide kóshetter alynyp, Qazybek bi, Dildábekov, Yntymaq mańyndaǵy respýblikalyq mańyzy bar jol boiyna otyrǵyzylýda. Egilgen kóshetterdiń jer kólemi 22,2 gektardy quraidy.
2018 jyly aýdanǵa kireberis respýblikalyq mańyzy bar avtomobil jolynyń boiyn iaǵni, Sh. Dáldabekov, Asyqata kenti aralyǵyndaǵy 1,7 shaqyrymdy quraityn sharbaqpen qorshaý jumystaryna aýdandyq biýdjetten 27 mln. teńge bólinip, qurylys jumystary júrgizilýde.
Sonymen qatar, Jetisai aýdanyn kógaldandyrý, kóriktendirý, abattandyrý, bezendirý jumystaryna eskizdik joba jasalynyp, Jetisai qalasynyń S.Qojanov kóshesiniń eskizdik jobasy men Jetisai aýdanyna kireberisine Jetisai aýdanynyń belgisi ornatyldy. Jáne Sh.Dildábekov aýyldyq okrýgi, Syrabad eldi mekenindegi abattandyrý jumystaryna nobailyq joba ázirlenip, qurylys jumystary júrgizilýde.
Jetisai aýdanynda 113 eldimekenniń 106-sy ortalyqtandyrylǵan elektr jelisine qosylǵan, qalǵan 7 eldi meken (Orysqudyq, Serikbai, Jorabek, Piráli, Jibekshi, Qalpaqsai, Batyrhan) ekonomikalyq tiimsiz shalǵaida ornalasqan.
Aýdan boiynsha elektr jelileriniń uzyndyǵy 1297,68 shaqyrymdy quraidy. 2019 jyly aýdan aýmaǵyndaǵy jańadan túsken kóshelerdi talapqa sai elektr qýatymen qamtamasyz etý maqsatynda jalpy smetalyq quny 554 274,0 myń teńgeni quraityn 4 ákimshilik birlikterdegi (Qaraqai, Qazybek bi, Qyzylqum, Atameken) jańadan túsken kóshelerge elektr jelilerin júrgizý jáne KTP ornatý qurylysyn júrgizý josparlanýda.
