Táýelsizdik jyldary elimizdiń airandai uiyǵan birliginiń saqtalýy bárinen de mańyzdy edi. Osyny nazarǵa alǵan Elbasy Nursultan Nazarbaev Qazaq jerin mekendeitin etnostardyń basyn bir arnaǵa jinap, ortaq maqsatqa baǵyttaityn Qazaqstan halqy Assambleiasyn qurdy. Elbasynyń kóregendi sheshiminiń arqasynda Assambleia el damýyna ólsheýsiz úles qosyp, qazaq qoǵamynyń ajyramas bólshegine ainaldy. Assambleianyń jumysy jaiynda sóz qozǵaǵanda atqarylǵan jumysty bir maqalaǵa syiǵyzý múmkin emes. Osy rette bizde Almaty oblysyndaǵy Qazaqstan halqy Assambleiasynyń atqarǵan jumystary jaiynda az-kem sóz qylýdy jón sanap otyrmyz.
Qazaq halqy «Jetisý – jer jannaty» dep beker aitpaǵan ǵoi. Túgin tartsań maiy shyǵatyn Jeruiyq mekenge ózge ult ókilderiniń qonystanýy da erteden bastaý alady. Bul rette Jetisý jerinde uiǵyrlar biraz ýaqyttan beri jergilikti qazaqtarmen birge tatý-tátti ómir súrip kele jatqany aiqyn mysal bolady. Al qalǵan etnostardyń stalindik qýǵyn-súrgin kezinde taǵdyr tálkegine tap bolyp, osy jerge turaqtaǵanyn bárimiz bilemiz.
Qazirgi tańda Almaty oblysynyń aýmaǵynda 100-den astam etnostyń ókilderi yntymaqty jaǵdaida ómir súrip jatyr. Deportatsiia kezinde kelip, Jetisý jerinen tiianaq tapqan ózge ult ókilderimen tildese qalsańyz, olar sol bir sulmat jyldary ózderiniń ata-analaryn baýyrmal qazaq halqynyń qalai qushaq jaia qarsy alǵanyn aita jóneledi. Sondyqtan mundaǵy ózge ult ókilderi jalpy Qazaq jeri qaiyrymdylyq pen baýyrlastyq máńgilikke uia salǵan qasietti meken sanaidy desek artyq aitqandyq bolmas edi. Bul jaiynda qazaq halqymen biteqainasyp ketken Almaty oblystyq kommýnikatsiialar ortalyǵynyń qyzmetkeri Galina Mitkovskih bylai oi sabaqtaidy:
– Qasietti Jetisý jerin mekendegen ózge ult ókilderiniń túsi, kózi ár alýan bolǵanymen, bárimizdiń bir ǵana Otanymyz bar. Ol – Qazaqstan. Bizdi bir-birimizge degen syilastyq, qamqorlyq, ortaq qaiǵymyz jaqyndata túsetinine senimdimin. Sol bir zulmat jyldary qazaq halqy da qasiret pen qaiǵyny bir kisidei tartty. Bul bizdiń ortaq qaiǵymyz. Qaiǵysy ortaq adamdardyń qýanyshy da ortaq. Elimiz táýelsizdik alǵanda bárimiz qýanyp, aldaǵy ýaqytta qýanyshty kúnderimiz kóp bolatynyna senimmen qaradyq. Júzdegen qazaqstandyqtardyń senimi Elbasy Nursultan Nazarbaev shyndyqqa ainaldyryp, qazirgi tańda Qazaqstandy dostyq pen ultaralyq kelisimniń altyn besigine ainaldyrdy. Sol sebepti bizder Qazaq jerin mekendegen barsha ult ókilderin ortaq maqsatqa jumyldyryp, jaimashýaq jaǵdaida ǵumyr keshýine múmkindik týǵyzǵany úshin Elbasy Nursultan Nazarbaevqa árqashanda alǵys aitamyz, – dep aǵynan jaryldy.
Iá, Qazaqstan halqy Assambleiasy óziniń 25 jyldyq tarihynda elimizdegi tatýlyq pen qoǵamdyq kelisimniń qorǵaýshysy ekenin san márte dáleldedi.
Qazirgi tańda Almaty oblysynda Assambleianyń 60 myńnnan astam múshesiniń basyn 71 etnomádeni ortalyq biriktirip otyr. Jetisý jerindegi ózge ult ókilderi etnomádeni ortalyqtardyń mańaiyna toptasyp, ózderiniń mádenieti men salt-dástúrin damytyp otyr. Sonymen qatar Almaty oblysy Qazaqstan halqy Assambleiasynyń bólimshesiniń janynda óńirdegi jetekshi jýrnalisterdiń klýby jumys isteidi. Klýbqa múshe maitalman jýrnalister Assambleia jumysyn jan-jaqty nasihattap, túrli materialdar men siýjetter daiyndaitynyn aita ketýimiz kerek. Budan basqa oblystyq Assambleia janynan ultarlyq tatýlyq máselelerine tereń taldaý jasaityn sarapshylar toby da jumys isteitinin aita ketýimiz kerek. Assambleianyń bul baǵyttaǵy jumystaryna óńirdegi belsendi jýrnalist, «Ogni Alataý» gazetiniń bas redaktory Atsalima Idigova jetekshilik jasap, sarapshylyq toptyń jumysyn úilestirip otyrǵanyn aita ketýimiz kerek. Budan basqa ózge ult ókilderiniń jastary «Jańǵyrý joly» qozǵalysynyń mańaiyna toptasyp, jumys isteýde.
Búginde bizder beibitshilik pen qoǵamdyq kelisim saltanat qurǵan elde alańsyz ómir súrýdemiz. Qazaqstanda osyndai jaǵdai qalyptastyrý ońai bolmaǵanyn kez kelgen adam biledi. Toqsanynshy jyldary Keńes ókimetinen bólinip shyqqan birqatar elderde azamattyq qaqtyǵystar, ultarazdyq dúrdarazdyqtar paida bolǵanyn bilemiz. Osy kezde Qazaqstan Elbasy Nursultan Nazarbaevtyń sarabdal saiasatynyń arqasynda yntymaq birligi jarasqan el retinde ainalasyndaǵy kórshilerine úlgi-ónege kórsete bildi.
Osy jaima-shýaq ómirimiz túgesilmeýi úshin Qazaqstan halqy Assambleiasy janyndaǵy sarapshylyq toptyń bilikti mamandary jan-jaqty zertteý jumystar júrgizip, kóptegen keleńsizdikterdiń aldyn alýǵa járdemdesýde. Ádette Assambleia dese keibireýlerdiń kóz aldyna túrli ult ókilderiniń ózderiniń ulttyq kiimderin kiip, án salyp, bi bilep jatqanyn elesteýi múmkin. Iá, bul syrtqy kórinis. Qazirgi tańda Assambelia ózekti máselelerdiń aldyn alyp, elimizdegi tatýlyqqa qaýip tóndiretin jaittardy kúniburyn anyqtaityn taldaý ortalyǵyna ainaldy desek artyq aitqandyq bolmas edi. Kerek deseńiz, qazir Assambleia elimizdeiń gýmanitarlyq baǵyttaǵy jumystaryn júielep, el azamattaryn ortaq maqsatqa jumyldyratyn uiymǵa ainalyp otyr.
Qazirgi tańda Almaty oblysy Qazaqstan halqy Assambleiasynyń belsendileri halyqtyń ál-aýqatynyń artýyna barynsha kómegin tigizip otyr. Osy rette Jetisý jerinde Assambleia úlken masshtabtaǵy is-sharalardy uiymdastyryp keledi. Sózimiz dáleldi bolýy úshin osy rette Assambleia belsendileriniń muryndyq bolýymen ótken mańyzdy birqatar is-sharalardy atai ketkendi jón sanap otyrmyz.
Yntymaq sherýi barysynda Almaty oblysy Qazaqstan halqy Assambleiasynan kelgen delegatsiia músheleri «Kóne Taraz tarihi-mádeni» ortalyǵy men óńirlik sáni men sáýleti úilesken «Dostyq úii» ǵimaratynda ekskýrsiia jasap, tarihtan syr sherter tyń dúnielermen tanysqan bolatyn. Budan basqa Almaty men Jambyl oblysynyń ónerpazdary kontsert qoiyp, aitýly sharada «Taldyqorǵan áýenderi» folklorlyq-etnografiialyq án-bi ansambli, Súiinbai atyndaǵy Almaty oblystyq filarmoniiasynyń ánshileri, «Bolashaq» vokaldyq triosy óz ónerlerin kórsetkeni esimizde.
Budan basqa «Rýhy bekem, kieli meken – Jetisý», «Qymyz muryndyq», «Týǵan jer», «Birlik» syndy oblystyq Assambleianyń belsendileri uiymdastyryp, ultaralyq tatýlyqty nyǵaitý jolynda qyrýar jumystar atqarǵanyn atap aitýǵa bolady.
Sonymen qatar Almaty oblysyndaǵy etnomádeni birlestikter de túrli is-sharalarǵa uiytqy bolyp, Assambleianyń jergilikti jerdegi jumystaryna jan bitirip otyr. Aitalyq, oblystaǵy ázirbaijan etnomádeni ortalyǵy «Elorda – memlekettik tildiń súienishi» degen taqyrypta dóńgelek ústel uiymdastyrsa, evreilerdiń «Aviv» birlestigi men ózbek etnomádeni birlestigi «Qarttarym – asyl qazynam», «Elorda – dostyqtyń shańyraǵy» degen taqyrypta jiyndar uiymdastyryp, memlekettik saiasatty nyǵaitýǵa óz úlesterin qosqanyn aita ketýimiz kerek.
Osy rette Almaty oblysy Qazaqstan halqy Assambleiasy qazaq tilin úiretýge airyqsha mán berip otyr. Qazaq tilin úiretý, uiymnyń mańyzdy jumystarynyń birine ainalǵan. Assambleia janyndaǵy Til úiretý ortalǵy 2008 jyldan beri úzilissiz jumys istep keledi. Ortalyqta jyl saityn 40-tan astam ózge ult ókilderi til syndyryp, qazaq tilin úirenip júr.
Arystaǵy oqys jaǵdai kezinde, odan keiin Ózbekstanda sý qoimasy jarylyp, Jetisaidaǵy biraz aýyldardy qyzyl sý basqanda Almaty oblysyndaǵy Assambleia belsendileri qarap qalǵan joq. Tótenshe jaǵdai oryn alǵan aýmaqqa gýmanitarlyq kómekter jiberip, el basyna kún týǵan kezde, ony birlesip jeńýdiń jarqyn úlgisin kórsetti. Budan bas pandemiia kezinde de Jetisýdyń Assambleia belsendileri qaiyrymdylyq sharalarynan tys qalamai, belsendi áreket etip, óńirde indettiń betin qaitarýǵa bir kisidei atsalysqan bolatyn. Osylaisha, ózge ult ókilderi jergilikti halyqpen tatý-tátti ǵumyr keship, qýanysh pen qaiǵyny bólisip keledi.
Dýman Byqai
