Almatyda jerge qatysty miting ótkizýge ruqsat suraityndary jóninde baspasóz jiynyn ótkizbek bolǵan belsendilerdi politsiia kúshpen ustap áketti.
Almatyda búgin Ulttyq baspasóz klýby aldynda jer máselesine qatysty miting ótkizýge ruqsat suraityndary týraly baspasóz jiynyn ótkizbek bolǵan 10-ǵa tarta belsendini politsiia ustap áketti.
Jiyn saǵat 11-de ótýi tiis bolǵan. Biraq jiyn bastalatyn ýaqyt taiaǵanda politsiia kelip, ony uiymdastyrýshylardyń biri Marjan Aspandiiarovadan túsinikteme jazýdy talap etti. Belsendi ony jazýdan bas tartty.
Uiymdastyrýshylar "baspasóz jiynynda "Jerimizdi qorǵaimyz - Ana tilimizdi saqtaimyz!" degen atpen Almatyda jalpyhalyqtyq miting ótkizýge ruqsat suraý týraly qala ákimdigine ótinish berý máselesin talqylaityndaryn" habarlaǵan edi.
Birer minýttan soń klýb aldyna politsiia jasaǵy kelip, saiasatkerler Marjan Aspandiiarova, Ámirjan Qosanov, belsendiler Janbolat Mamai, Inga Imanbai, Ǵalym Aǵeleýov, jýrnalist Ermurat Bápi men qarsylyq tanytqan taǵy eki-úsh adamdy kúshpen kólikterge mingizip alyp ketti.
Politsiia jasaǵy qoǵamdyq belsendi Jarylqap Qalybaidy da kólikke kúshtep otyrǵyzǵanymen, birer minýttan soń bosatyp jiberdi. Ustalǵandardyń Medeý aýdandyq ishki ister basqarmasyna áketilgeni habarlandy.
Búgingi baspasóz jiynyna deiin jýrnalist Rysbek Sársenbai men qoǵamdyq belsendi Muhtar Taijandy da politsiia ustap áketkeni (Almaly aýdany IIB-si degen aqparat bar) habarlanǵan bolatyn.
Astanada da búgin tańerteń "Alash joly" qozǵalysynyń jer máselesi boiynsha úndeýin jariialaimyn degen belsendi Maqsat Iliiasulyn politsiia ustap alyp ketkeni habarlandy. Ol ustap áketip bara jatqanda, 11:00-ge deiin qaityp oralyp, málimdemesin jariialaitynyn aitqan.
Qazaqstandaǵy jerge qatysty daý naýryzdyń sońynda ulttyq ekonomika ministri Erbolat Dosaevtyń shildeniń 1-inen bastap aýyl sharýashylyǵy jerleriniń aýktsion arqyly satylatyny týraly málimdemesinen soń bastalǵan. Sáýirdiń 24-i kúni Atyraý qalasynda myńdaǵan adam qatysqan ruqsat etilmegen miting ótip, jinalǵandar jer kodeksindegi ózgeristerge narazylyq bildirgen. Sáýirdiń 27-si Aqtóbe men Semei qalalarynda danarazylyq jiyndary ótken.
Sáýirdiń 28-i kúni Aqtaýdaǵy Yntymaq alańynda ondaǵan adam jinalyp, jerdi satýǵa jáne sheteldikterge jalǵa berýge qarsy pikirlerin bildirgen. Jarty saǵattai ǵana ýaqytqa sozylǵan ruqsat etilmegen bul jiyndy politsiia taratyp jiberdi.
Derekkóz: "Azattyq" radiosy
