Qala ákimi Jeńis Qasymbek jumysqa kiriske bette qaladaǵy úsh kóppáterli turǵyn úi kesheniniń úleskerlerimen kezdesip, olardyń máslesin talqylady. Búginde úleskerler «Future home», «Arystan», «Zere-2» turǵyn úi keshenininiń uzaq jyldan beri kútip júr. Atalǵan turǵyn úi keshenderi eń kúrdeli bolyp sanalady. Munda jyldar boiy 600-den astam úlesker otbasy úiiniń kiltin kútip júr.
Aitalyq, «Future home» turǵyn úi kesheniniń qurylysy 2013 jyly bastalǵan. Nysannyń ózi 6 jyl buryn problemaly dep tanylǵan-dy. Bul turǵyn úi kesheninde 200-ge jýyq úlesker bar. Nysannyń daiyndyǵy 40%-dy quraidy. Osy oraida eki blokty buzýǵa týra kelgenin aita ketken jón. Sebebi qurylys jumysyn qaita bastaý úshin jaramsyz dep tanylǵan.
Al «Arystan» turǵyn úi kesheninde 450-ge jýyq úlesker otbasy bar. Bul kóppáterli turǵyn úi kesheni problemaly qurylystyń iri nysandarynyń biri bolyp sanalady. Ony berý kezinde nysannyń tek 20-30%-y ǵana daiyn bolǵan.
Sol siiaqty kezdesýde turǵyndar nóser kárizin salý, jyly aialdama ornatý, qosymsha avtobýs baǵytyn iske qosý sekildi ózge de máselelerdi kóterdi.
Qurylysy uzaqqa sozylǵan taǵy bir nysan – «Zere-2» turǵyn úi kesheni 6 jyl buryn problemaly dep tanyldy. Munda 230 úlesker otbasy óz páterin kútip júr. Nysandy berý kezinde tek shuńqyry qazylǵan kúide ǵana bolǵan. Qazirgi ýaqytta qurylysy qaita jandandy, alaida jumys qarqynyn arttyrý qajet.
Osyǵan deiin ákimdik qaladaǵy qurylysy uzaqqa sozylǵan nysandar boiynsha úlken júieli jumys júrgizgen bolatyn. Úlestik qurylysqa tiesili 51 nysannyń ishinde 15-iniń problemasyn sheshý qaldy. Onyń 7-eýin biyl aiaqtaýdy josparlanýda. Taǵy 8 nysandy (bul 30-dan astam turǵyn úi kesheni) 2023 jyly aiaqtaýdy aldyma mindet etip qoidym.
