قالا ەكٸمٸ جەڭٸس قاسىمبەك جۇمىسقا كٸرٸسكە بەتتە قالاداعى ٷش كٶپپەتەرلٸ تۇرعىن ٷي كەشەنٸنٸڭ ٷلەسكەرلەرٸمەن كەزدەسٸپ, ولاردىڭ مەسلەسٸن تالقىلادى. بٷگٸندە ٷلەسكەرلەر «Future home», «ارىستان», «زەرە-2» تۇرعىن ٷي كەشەنٸنٸنٸڭ ۇزاق جىلدان بەرٸ كٷتٸپ جٷر. اتالعان تۇرعىن ٷي كەشەندەرٸ ەڭ كٷردەلٸ بولىپ سانالادى. مۇندا جىلدار بويى 600-دەن استام ٷلەسكەر وتباسى ٷيٸنٸڭ كٸلتٸن كٷتٸپ جٷر.
ايتالىق, «Future home» تۇرعىن ٷي كەشەنٸنٸڭ قۇرىلىسى 2013 جىلى باستالعان. نىساننىڭ ٶزٸ 6 جىل بۇرىن پروبلەمالى دەپ تانىلعان-دى. بۇل تۇرعىن ٷي كەشەنٸندە 200-گە جۋىق ٷلەسكەر بار. نىساننىڭ دايىندىعى 40%-دى قۇرايدى. وسى ورايدا ەكٸ بلوكتى بۇزۋعا تۋرا كەلگەنٸن ايتا كەتكەن جٶن. سەبەبٸ قۇرىلىس جۇمىسىن قايتا باستاۋ ٷشٸن جارامسىز دەپ تانىلعان.
ال «ارىستان» تۇرعىن ٷي كەشەنٸندە 450-گە جۋىق ٷلەسكەر وتباسى بار. بۇل كٶپپەتەرلٸ تۇرعىن ٷي كەشەنٸ پروبلەمالى قۇرىلىستىڭ ٸرٸ نىساندارىنىڭ بٸرٸ بولىپ سانالادى. ونى بەرۋ كەزٸندە نىساننىڭ تەك 20-30%-ى عانا دايىن بولعان.
سول سيياقتى كەزدەسۋدە تۇرعىندار نٶسەر كەرٸزٸن سالۋ, جىلى ايالداما ورناتۋ, قوسىمشا اۆتوبۋس باعىتىن ٸسكە قوسۋ سەكٸلدٸ ٶزگە دە مەسەلەلەردٸ كٶتەردٸ.
قۇرىلىسى ۇزاققا سوزىلعان تاعى بٸر نىسان – «زەرە-2» تۇرعىن ٷي كەشەنٸ 6 جىل بۇرىن پروبلەمالى دەپ تانىلدى. مۇندا 230 ٷلەسكەر وتباسى ٶز پەتەرٸن كٷتٸپ جٷر. نىساندى بەرۋ كەزٸندە تەك شۇڭقىرى قازىلعان كٷيدە عانا بولعان. قازٸرگٸ ۋاقىتتا قۇرىلىسى قايتا جانداندى, الايدا جۇمىس قارقىنىن ارتتىرۋ قاجەت.
وسىعان دەيٸن ەكٸمدٸك قالاداعى قۇرىلىسى ۇزاققا سوزىلعان نىساندار بويىنشا ٷلكەن جٷيەلٸ جۇمىس جٷرگٸزگەن بولاتىن. ٷلەستٸك قۇرىلىسقا تيەسٸلٸ 51 نىساننىڭ ٸشٸندە 15-ٸنٸڭ پروبلەماسىن شەشۋ قالدى. ونىڭ 7-ەۋٸن بيىل اياقتاۋدى جوسپارلانۋدا. تاعى 8 نىساندى (بۇل 30-دان استام تۇرعىن ٷي كەشەنٸ) 2023 جىلى اياقتاۋدى الدىما مٸندەت ەتٸپ قويدىم.
