– Qalada jaily ómir súrý – tirshilikti qamtamasyz etý júieleriniń jumysyna bailanysty. Qala turǵyndarynyń sany jyl saiyn ósip kele jatqanyn eskere otyryp, jumys istep turǵan tirshilikti qamtamasyz etý nysandarynyń qabilettiligine kóńil bólip qana qoimai, jańalaryn da salý qajet, – dedi Jeńis Qasymbek.
Ákim qalany aralaý barysynda osyǵan deiin qurylysy bastalǵan nysandardyń jumysymen tanysty. Osylaisha qala basshysy gaz jylý stantsiialary, aýyz sý stantsiiasy (SSS-3), JEO-3 qurylys basynda boldy.
Ákimdik elordada salynyp jatqan «Turan», «Ońtústik-Shyǵys» gaz jylý stantsiiasyn aldaǵyjyldyń jylytý maýsymynan bastap iske qosý josparlanyp otyr.
JEO-3-ke toqtalar bolsaq, qalaǵa qajetti nysannyń uzaq qurylymdy ekeni belgili. 2023 jyly JEO-3 jumysyn iske qosý mindeti qoiylǵan. Onyń qýaty – 3,5-4 mln sharshy metr turǵyn úige jylý berýge jetedi.
Sol siiaqty qalany qosymsha aýyz sýmen qamtamasyz etý qajet. Aýyz sý stantsiiasynyń da (SSS-3) tolyq iske qosylýy kelesi jylǵa josparlanýda. SSS-3 qýaty – táýligine 100 tekshe metr sýdan asady.
Qalanyń qazirgi damý qarqynyna sáikes jańa tirshilikti qamtamasyz etý nysandarynyń da qýaty jetkiliksiz bolady. Sol sebepti Astananyń 2035 jylǵa deiingi Damý bas josparynyń jobasyna qosymsha aýyz sý stantsiialarynyń, jylý stantsiialarynyń qurylysy josparlanǵan.
