– قالادا جايلى ءومىر ءسۇرۋ – تىرشىلىكتى قامتاماسىز ەتۋ جۇيەلەرىنىڭ جۇمىسىنا بايلانىستى. قالا تۇرعىندارىنىڭ سانى جىل سايىن ءوسىپ كەلە جاتقانىن ەسكەرە وتىرىپ، جۇمىس ىستەپ تۇرعان تىرشىلىكتى قامتاماسىز ەتۋ نىساندارىنىڭ قابىلەتتىلىگىنە كوڭىل ءبولىپ قانا قويماي، جاڭالارىن دا سالۋ قاجەت، – دەدى جەڭىس قاسىمبەك.
اكىم قالانى ارالاۋ بارىسىندا وسىعان دەيىن قۇرىلىسى باستالعان نىسانداردىڭ جۇمىسىمەن تانىستى. وسىلايشا قالا باسشىسى گاز جىلۋ ستانسيالارى، اۋىز سۋ ستانسياسى (سسس-3)، جەو-3 قۇرىلىس باسىندا بولدى.
اكىمدىك ەلوردادا سالىنىپ جاتقان «تۇران»، «وڭتۇستىك-شىعىس» گاز جىلۋ ستانسياسىن الداعىجىلدىڭ جىلىتۋ ماۋسىمىنان باستاپ ىسكە قوسۋ جوسپارلانىپ وتىر.
ولار جىلۋمەن جابدىقتاۋ كولەمىن ەداۋىر ارتتىرۋعا، قۇرىلىسى قارقىندى تۇردە ءجۇرىپ جاتقان بولاشاق اۋدانداردى جىلۋمەن قامتۋعا مۇمكىندىك بەرەدى. جاڭا گاز جىلۋ ستانسيالارىنىڭ قۋاتى جەو-3 قۋاتىنان اسىپ تۇسەدى. ماسەلەن «تۇران» گاز جىلۋ ستانسياسى 8 ملن شارشى مەتر تۇرعىن ءۇيدى جىلىتا الادى.
جەو-3-كە توقتالار بولساق، قالاعا قاجەتتى نىساننىڭ ۇزاق قۇرىلىمدى ەكەنى بەلگىلى. 2023 جىلى جەو-3 جۇمىسىن ىسكە قوسۋ مىندەتى قويىلعان. ونىڭ قۋاتى – 3،5-4 ملن شارشى مەتر تۇرعىن ۇيگە جىلۋ بەرۋگە جەتەدى.
سول سياقتى قالانى قوسىمشا اۋىز سۋمەن قامتاماسىز ەتۋ قاجەت. اۋىز سۋ ستانسياسىنىڭ دا (سسس-3) تولىق ىسكە قوسىلۋى كەلەسى جىلعا جوسپارلانۋدا. سسس-3 قۋاتى – تاۋلىگىنە 100 تەكشە مەتر سۋدان اسادى.
قالانىڭ قازىرگى دامۋ قارقىنىنا سايكەس جاڭا تىرشىلىكتى قامتاماسىز ەتۋ نىساندارىنىڭ دا قۋاتى جەتكىلىكسىز بولادى. سول سەبەپتى استانانىڭ 2035 جىلعا دەيىنگى دامۋ باس جوسپارىنىڭ جوباسىنا قوسىمشا اۋىز سۋ ستانسيالارىنىڭ، جىلۋ ستانسيالارىنىڭ قۇرىلىسى جوسپارلانعان.
