«Jemqormen toida birge bolǵan». Depýtat shendini synap tastady
Depýtat Dastan Bekeshev ministrler keńsesiniń tóraǵasy qyzmetin atqarýshy Aqylbek Japarovqa qarata sóilep, azamattar úkimettiń keibir músheleriniń ózi qýdalaǵan adamdarmen birge toida bir ústel basynda otyrǵanyn kórip, bilikten kóńili qalǵanyn aitqan.
Depýtattyń aitýynsha, Kamshybek Tashiev 9 qazanda Oshtyń burynǵy basshysy Taalaibek Sarybashevtiń toiyna barǵan, oǵan Raiymbek Matraimov ta qatysqan.
Tashiev UQMK bir jylda jemqorlyqpen kúres nátijesinde shamamen 7,5 mlrd som jinaǵanyn aitty.
– Sizder jemqorlyqpen ainalysqandar týraly bir sóz aita almadyńyzdar, al biz olardyń bárin otyrǵyzdyq. Menimen birge toiǵa barsa da, biz jemqorlyqpen ainalysqandardy báribir otyrǵyzamyz. Zań buzsańdar, qazir osynda menimen birge otyrǵan sizderdi de jazalaimyz. Biyl alǵash ret toiǵa bardym, Raiym Matraimovpen bir ústelde otyrmadym. Otyrsam da, onda turǵan eshteńe joq. Basqalarǵa qaraǵanda, ol 2 mlrd som tóledi, – dep jaýap berdi Tashiev.
49 jastaǵy Raiymbek Matraimov 1997-2017 jyldary Memlekettik keden qyzmetinde istegen. 2020 jylǵy qazanda ol keden organdaryndaǵy jemqorlyqqa qatysty aiyppen ustaldy. Matriamov biýdjetke 1 mlrd 400 mln somdy qolmaqol aqshamen, 600 mln somnyń jyljymaityn múlikterin ótizgen. Keiin sotta ol kinásin moiyndady. Sot Matraimovqa 260 myń som aiyppul saldy.
