«جەمقورمەن تويدا بٸرگە بولعان». دەپۋتات شەندٸنٸ سىناپ تاستادى
دەپۋتات داستان بەكەشەۆ مينيسترلەر كەڭسەسٸنٸڭ تٶراعاسى قىزمەتٸن اتقارۋشى اقىلبەك جاپاروۆقا قاراتا سٶيلەپ, ازاماتتار ٷكٸمەتتٸڭ كەيبٸر مٷشەلەرٸنٸڭ ٶزٸ قۋدالاعان ادامدارمەن بٸرگە تويدا بٸر ٷستەل باسىندا وتىرعانىن كٶرٸپ, بيلٸكتەن كٶڭٸلٸ قالعانىن ايتقان.
دەپۋتاتتىڭ ايتۋىنشا, كامشىبەك تاشيەۆ 9 قازاندا وشتىڭ بۇرىنعى باسشىسى تاالايبەك سارىباشەۆتٸڭ تويىنا بارعان, وعان رايىمبەك ماترايموۆ تا قاتىسقان.
تاشيەۆ ۇقمك بٸر جىلدا جەمقورلىقپەن كٷرەس نەتيجەسٸندە شامامەن 7,5 ملرد سوم جيناعانىن ايتتى.
– سٸزدەر جەمقورلىقپەن اينالىسقاندار تۋرالى بٸر سٶز ايتا المادىڭىزدار, ال بٸز ولاردىڭ بەرٸن وتىرعىزدىق. مەنٸمەن بٸرگە تويعا بارسا دا, بٸز جەمقورلىقپەن اينالىسقانداردى بەرٸبٸر وتىرعىزامىز. زاڭ بۇزساڭدار, قازٸر وسىندا مەنٸمەن بٸرگە وتىرعان سٸزدەردٸ دە جازالايمىز. بيىل العاش رەت تويعا باردىم, رايىم ماترايموۆپەن بٸر ٷستەلدە وتىرمادىم. وتىرسام دا, وندا تۇرعان ەشتەڭە جوق. باسقالارعا قاراعاندا, ول 2 ملرد سوم تٶلەدٸ, – دەپ جاۋاپ بەردٸ تاشيەۆ.
49 جاستاعى رايىمبەك ماترايموۆ 1997-2017 جىلدارى مەملەكەتتٸك كەدەن قىزمەتٸندە ٸستەگەن. 2020 جىلعى قازاندا ول كەدەن ورگاندارىنداعى جەمقورلىققا قاتىستى ايىپپەن ۇستالدى. ماترياموۆ بيۋدجەتكە 1 ملرد 400 ملن سومدى قولماقول اقشامەن, 600 ملن سومنىڭ جىلجىمايتىن مٷلٸكتەرٸن ٶتٸزگەن. كەيٸن سوتتا ول كٸنەسٸن مويىندادى. سوت ماترايموۆقا 260 مىڭ سوم ايىپپۇل سالدى.
