– Elimizdiń jetistikterinde Ordabasylyqtardyń da eleýli úlesi baryn erekshe atap ótpekpin. Nesibesin etken eńbeginen kútken jerlesterimiz úshin bıylǵy jyl jemisti boldy. Byltyr aýdanymyzdyń dıqandary 53 200 gektarǵa dándi daqyl ekse, bıyl bul kórsetkishti 55 172 gektarǵa jetkizdi. Jyl basynan beri 15 gektardan astam jylyjaı iske qosylyp, 700 gektarǵa tamshylatyp sýǵarý ádisi engizildi. «Altyn asyq» baǵdarlamasy boıynsha 7 myńǵa jýyq ýaq mal, «Qulan» baǵdarlamasymen 400-ge jýyq jylqy, «Sybaǵa» baǵdarlamasymen 2 myńǵa jýyq asyl tuqymdy iri qara mal alyndy. Aýdan boıynsha qazirgi tańda 59 200 tonna kókónis, 49 822 tonna baqsha ónimderi jınalǵan, – dep aýdan jetistikterine toqtaldy.
Taıaýda oblys kóleminde tuńǵysh ret aýylsharýashylyq salasynyń jetistikterine arnalǵan «Agrofest-2017» festıvali ótti. Bul sharada Ordabasy aýdany ozyq kórsetkishteri úshin oblys ákimi Janseıit Túımebaevtyń arnaıy sertıfıkatyn ıelengenin de atap ótkenimiz jón.
Máselen, ozyq tehnologıalardy óndiriske endirý boıynsha oblysta Ordabasy kósh bastap tur.
Et óndirý men tamshylatyp sýǵarý ádisin endirýden İİ oryndy enshiledi. Maqta jınaýdan da júldeli orynnan kórindi.
Saltanatty jıyn barysynda eńbek ardagerleri men ozattary Alǵys hattarmen marapattalyp, syı-sıapat ıelendi.
Oblystyq máslıhattyń depýtattary Ádilhan Isabaev, Qaınar Abasov, aýdandyq máslıhat apparatynyń basshysy Kúmisbek Satqanbaev ta sóz alyp, aýdan turǵyndaryna izgi nıet, aq tilegin jetkizdi.
"Altyn kúz" saltanaty alaman kókparǵa ulasty. Shabandozdar júırikterin baptap, merekelik báıgeniń dodasyna qosty.
Gaýhar Qabylbekova
https://dalanews.kz/29294
