Bul týraly búgin Prezident janyndaǵy OKQ alańynda ótken brifing barysynda Almaty oblysynyń ákimi Amandyq Batalov málimdedi, - dep habarlaidy Dalanews.kz Almaty oblysy ákiminiń baspasóz qyzmetine siltep.
Oblys agrarlyq baǵyttan birte-birte agrarlyq-indýstrialdyq baǵytqa ótýde, qazir óńdeý ónerkásibiniń úlesi 87% jetti.
- Bizdiń búgingi mindetimiz – Memleket basshysynyń Joldaýyndaǵy tapsyrmaǵa sáikes ártaraptandyrylǵan jáne tehnologiialanǵan ekonomikany qalyptastyrý. Osy maqsatqa qol jetkizýde Transulttyq kopaniialar mańyzdy rólge ie.
Transulttyq kompaniialardyń jalpy somasy 165 mlrd. teńge bolatyn, tórt myń jumys ornyn quratyn 9 jobasy júzege asyrylýda.
Onyń úsheýi - «Mareven Fýd», «Lýkoil», «Willo» iske qosyldy, jyl sońyna deiin taǵy bir nysan - qýattylyǵy jylyna 60 myń tonnalyq «SSA Fid Mills» qurama jem zaýyty paidalanýǵa beriledi, - dep atap ótti A. Batalov.
Spiker qýaty jylyna 1,2 mln. tonna bolatyn oblystaǵy alǵashqy tsement zaýyty «Alatsem» iske qosylatynyn aitty.
Jalpy biylǵy jyly jalpy quny 153 mlrd. teńge bolatyn, 3,5 myń jumys orny bar barlyǵy 71 joba júzege asyrylady. Jyl qorytyndysynda ónerkásip óniminiń kólemi 1 trln. teńgeden asady, shikizattyq emes eksport 6% ósip, 406 mln. AQSh dollaryna jetedi dep josparlanýda.
Jalpy oblystyń investitsiialyq qorjynynda jalpy quny 5 trln. teńgeden astam bolatyn 517 joba bar. Olarda 45 myń jumys orny ashylady.
