Oblys turǵyndary bul sheshimdi oń qabyldady, óitkeni qazir olar ákimmen kezdesýge barmai-aq ózderin mazalaǵan máselelerdi on-lain arqyly da qala basshysyna jetkizýge múmkindik alǵan. Aimaq basshysy da óz paraqshasyna kelgen shaǵym-ótinishterge dereý jaýap berip, eldiń kóńilinen shyǵýda, dep habarlaidy Dalanews.kz ShQO aqparattyq ortalyǵyna silteme jasap.
Máselen, jýyrda Borodýliha aýdanynyń turǵyny Anton Oleinik Shyǵys Qazaqstan oblysynyń ákimine óz biznesin reiderlik jolmen áldekimderdiń tartyp almaq bolǵanyna shaǵymdanǵan. Sol sekildi osy óńir boiynsha ortalyqtandyrylǵan sýmen jabdyqtaý júiesiniń joqtyǵyna qatysty ózge de birqatar shaǵym kelip túsken.
Osy máselelerdiń mán-jaiyn anyqtaý úshin Danial Ahmetov bul aimaqqa Nur Otan partiiasynyń, sondai-aq qadaǵalaý, quqyq qorǵaý jáne ýákiletti organ ókilderinen turatyn arnaiy komissiiany jóneltip jiberdi.
Aiagóz qalasyndaǵy arnaýly áleýmettik qyzmet kórsetý ortalyǵynda oryn alǵan jaǵdaiǵa bailanysty da týra osyndai shara qoldanyldy. Bul rette másele otandyq saittardyń birinde kóterilgen.
Maqala jariialana salysymen, birneshe saǵat soń Danial Ahmetov jaǵdaidy egjei-tegjeili zerdeleý úshin óz orynbasary Shalqar Baibekov bastaǵan arnaiy komissiiany Aiagózge attandyrdy.
- Aiagózdegi arnaiy áleýmettik qyzmet kórsetý balalar ortalyǵyndaǵy jaǵdai boiynsha, qymbatty dostar, mynany nárseni aitqym keledi. Tergeý isi aiaqtalǵansha ortalyq direktory jumystan ýaqytsha shettetiledi.
Oblys basshylyǵyn ortalyqtaǵy jaǵdaidan der kezinde habardar etpegeni jáne tiimdi sharalar qabyldamaǵany úshin Jumyspen qamtýdy úilestirý jáne áleýmettik baǵdarlamalar basqarmasynyń basshysy qyzmetin tómendettik.
Bul másele meniń, sondai-aq qadaǵalaýshy jáne quqyq qorǵaý organdarynyń jeke qadaǵalaýyna alynǵan. Qosymsha málimetter keiin jariialanatyn bolady, - dep jazdy Ahmetov Instagram-daǵy paraqshasynda.
Sondai-aq, Semei qalasyndaǵy "Órleý" balabaqshasyna balalary baratyn ata-analardyń áleýmettik jelide jariialaǵan videosynyń arqasynda jol jóndelip, jaiaý júrginshiler máselesi de sheshiletin boldy.
Danial Ahmetovtiń tapsyrmasy boiynsha Semei qalasynyń ákimi Ermak Salimov osy balabaqsha balalarynyń ata-analarymen jeke kezdesip, másele sheshimin ózara talqylady. Bul másele bir apta ishinde sheshiledi dep kútilýde.
Danial Ahmetovtyń óz óńiri halqynyń jelidegi shaǵymdaryna qatysty is-qimyly kózge erekshe túsip, eldiń yqylasyna bólenýde.
Aita ketsek, Danial Ahmetov sońǵy 34 apta boiyna áleýmettik jelilerde belsendi jumys isteitin ákimder reitinginde eń birinshi bolyp tur.
Aita ketsek, Aiagózde arnaiy qyzmet kórsetý ortalyǵynyń balalary zorlyq kórgenderin jetkizgen. Videoda 5-7 jastaǵy ul balalar tárbieshileriniń jertólege aparyp zorlaǵandaryn, muny direktor biletinin aitady.
https://www.youtube.com/watch?v=wnLgyB5yFnE
