Keibir áleýmettik jelilerde "eldiń ońtústik óńirlerinde elektr energiiasyn shekteýge daiyndyq júrgizilip jatyr" dep tarap jatqan aqparatqa eshqandai negiz joq. QR Energetika ministrligi osyndai resmi málimdeme jasady, dep habarlaidy Dalanews.kz.
Quzyrly vedomstvo azamattar men BAQ ókilderin tek resmi derekkózderge senýge shaqyrady.
"Qazirgi tańda Qazaqstannyń ońtústik oblystaryndaǵy tutynýshylardy elektrmen jabdyqtaý jaǵdaiy tolyqtai turaqty dep baǵalanady. Elektr energiiasyn jetkizý qalypty rejimde júzege asyrylyp, halyqtyń da, ónerkásiptik kásiporyndardyń da barlyq qajettilikterin tolyq qamtyp otyr. Eldiń biryńǵai elektr energetikalyq júiesi eshqandai aqaýsyz jumys isteýde", - deidi QR Energetika ministrligi.
Energetika ministrligi respýblika boiynsha elektr energiiasyn óndirý men tutyný teńgerimin turaqty baqylaýda ustap otyrǵandaryn naqtylaidy. Barlyq óndiretin jáne jetkizýshi kompaniialar bekitilgen kesteler aiasynda jumys istep, energojúieniń senimdiligin qamtamasyz etýde.
"Osyǵan bailanysty Energetika ministrligi buqaralyq aqparat quraldaryna, blogerlerge jáne onlain-qoǵamdastyqtardyń ákimshilerine aqparatty taratýǵa jaýapkershilikpen qaraýǵa, faktilerdi muqiiat tekserýge jáne azamattardy jańylystyrmaý úshin tek resmi derekterdi paidalanýǵa shaqyrady", delingen resmi habarlamada.
