كەيبىر الەۋمەتتىك جەلىلەردە "ەلدىڭ وڭتۇستىك وڭىرلەرىندە ەلەكتر ەنەرگياسىن شەكتەۋگە دايىندىق جۇرگىزىلىپ جاتىر" دەپ تاراپ جاتقان اقپاراتقا ەشقانداي نەگىز جوق. ق ر ەنەرگەتيكا مينيسترلىگى وسىنداي رەسمي مالىمدەمە جاسادى، دەپ حابارلايدى Dalanews.kz.
قۇزىرلى ۆەدومستۆو ازاماتتار مەن ب ا ق وكىلدەرىن تەك رەسمي دەرەككوزدەرگە سەنۋگە شاقىرادى.
"قازىرگى تاڭدا قازاقستاننىڭ وڭتۇستىك وبلىستارىنداعى تۇتىنۋشىلاردى ەلەكترمەن جابدىقتاۋ جاعدايى تولىقتاي تۇراقتى دەپ باعالانادى. ەلەكتر ەنەرگياسىن جەتكىزۋ قالىپتى رەجيمدە جۇزەگە اسىرىلىپ، حالىقتىڭ دا، ونەركاسىپتىك كاسىپورىنداردىڭ دا بارلىق قاجەتتىلىكتەرىن تولىق قامتىپ وتىر. ەلدىڭ ءبىرىڭعاي ەلەكتر ەنەرگەتيكالىق جۇيەسى ەشقانداي اقاۋسىز جۇمىس ىستەۋدە"، - دەيدى ق ر ەنەرگەتيكا مينيسترلىگى.
ەنەرگەتيكا مينيسترلىگى رەسپۋبليكا بويىنشا ەلەكتر ەنەرگياسىن ءوندىرۋ مەن تۇتىنۋ تەڭگەرىمىن تۇراقتى باقىلاۋدا ۇستاپ وتىرعاندارىن ناقتىلايدى. بارلىق وندىرەتىن جانە جەتكىزۋشى كومپانيالار بەكىتىلگەن كەستەلەر اياسىندا جۇمىس ىستەپ، ەنەرگوجۇيەنىڭ سەنىمدىلىگىن قامتاماسىز ەتۋدە.
"وسىعان بايلانىستى ەنەرگەتيكا مينيسترلىگى بۇقارالىق اقپارات قۇرالدارىنا، بلوگەرلەرگە جانە ونلاين-قوعامداستىقتاردىڭ اكىمشىلەرىنە اقپاراتتى تاراتۋعا جاۋاپكەرشىلىكپەن قاراۋعا، فاكتىلەردى مۇقيات تەكسەرۋگە جانە ازاماتتاردى جاڭىلىستىرماۋ ءۇشىن تەك رەسمي دەرەكتەردى پايدالانۋعا شاقىرادى"، دەلىنگەن رەسمي حابارلامادا.
