Jeleznovodskidegi lagerde jándikter qaptap ketken. Saldarynan demalýǵa barǵan qulsarylyq balalar elge qaitatyn boldy, - dep habarlaidy Dalanews.kz "Aq Jaiyq" basylymyna siltep.
27 qazanda keshte Qulsaryda balalaryn lagerge jibergen ata-analar narazylyq tanytyp, aýdandyq ákimdik ǵimaratynyń aldyna jinaldy.
"Balalarymyz Jeleznovodskige lagerge ketken bolatyn. Barmai jatyp, "keri qaitamyz" dep jatyr. Jatatyn jerlerinde taraqan tolyp ketken", - deidi ata-analar.
Máselege qatysty oblystyq bilim basqarmasy basshysy Marat Abýov pikir bildirdi.
"26 qazan men 4 qarasha aralyǵynda "Qazaqstan Geology" emdeý pansionatynda demalý úshin Jylyoi aýdany Qulsary qalasynyń 174 (113 ul men 61 qyz) oqýshysy jiberilgen bolatyn. Balalar 27 qazanda saǵat 22:00 shamasynda pansionatqa jetken edi. Alaida sol kúni aýa raiyna bailanysty orman aǵashtarynda bolatyn jándikter kóbeiip, pansionat ǵimaratynyń ishine taraǵan.
Qazir ǵimaratty jándikten tazalaý jumystary júrgizilip jatyr. Jaǵdaiǵa bailanysty balalardy shuǵyl keri qaitarý jumystary uiymdastyryldy", - dep jazylǵan habarlamada.
