جەلەزنوۆودسكىدەگى لاگەردە جاندىكتەر قاپتاپ كەتكەن. سالدارىنان دەمالۋعا بارعان قۇلسارىلىق بالالار ەلگە قايتاتىن بولدى، - دەپ حابارلايدى Dalanews.kz "اق جايىق" باسىلىمىنا سىلتەپ.
27 قازاندا كەشتە قۇلسارىدا بالالارىن لاگەرگە جىبەرگەن اتا-انالار نارازىلىق تانىتىپ، اۋداندىق اكىمدىك عيماراتىنىڭ الدىنا جينالدى.
"بالالارىمىز جەلەزنوۆودسكىگە لاگەرگە كەتكەن بولاتىن. بارماي جاتىپ، "كەرى قايتامىز" دەپ جاتىر. جاتاتىن جەرلەرىندە تاراقان تولىپ كەتكەن"، - دەيدى اتا-انالار.
ماسەلەگە قاتىستى وبلىستىق ءبىلىم باسقارماسى باسشىسى مارات ابۋوۆ پىكىر ءبىلدىردى.
"26 قازان مەن 4 قاراشا ارالىعىندا "قازاقستان گەولوگى" ەمدەۋ پانسيوناتىندا دەمالۋ ءۇشىن جىلىوي اۋدانى قۇلسارى قالاسىنىڭ 174 (113 ۇل مەن 61 قىز) وقۋشىسى جىبەرىلگەن بولاتىن. بالالار 27 قازاندا ساعات 22:00 شاماسىندا پانسيوناتقا جەتكەن ەدى. الايدا سول كۇنى اۋا رايىنا بايلانىستى ورمان اعاشتارىندا بولاتىن جاندىكتەر كوبەيىپ، پانسيونات عيماراتىنىڭ ىشىنە تاراعان.
ءقازىر عيماراتتى جاندىكتەن تازالاۋ جۇمىستارى جۇرگىزىلىپ جاتىر. جاعدايعا بايلانىستى بالالاردى شۇعىل كەرى قايتارۋ جۇمىستارى ۇيىمداستىرىلدى"، - دەپ جازىلعان حابارلامادا.
