Jelaiaq Marat Jylanbaevqa shyqqan sot úkimi ózgerissiz qaldy
Astana qalalyq soty apelliatsiialyq shaǵymdy qanaǵattandyrmady. Bul týraly advokat Meiirjan Dosqaraev aitty.
Marat Jylanbaevtyń apelliatsiialyq soty jabyq túrde onlain ótti.
Aita keteiik, byltyr 29 qarashada Astana qalasynyń qylmystyq ister jónindegi aýdanaralyq sotynda tyiym salǵan ekstremistik uiymdy qarjylandyrǵany, onyń qyzmetine qatysqany úshin Jylanbaevqa úkim shyqty.
Sot málimetinshe, ol Qazaqstan aýmaǵynda tyiym salynǵan "Qazaqstannyń demokratiialyq tańdaýy" ekstremistik uiymynyń jaqtaýshysy bolyp, QDT kóshbasshysymen jáne onyń sheteldik shtabymen bailanysta otyryp, olardan Qazaqstan Respýblikasynyń Konstitýtsiialyq qurylymyn kúshtep ózgertý maqsatyn kózdeitin tapsyrmalar men nusqaýlar alǵan.
Osylaisha, sot úkimimen Jylanbaev 7 jylǵa bas bostandyǵynan aiyryldy. Sonymen qatar, qoǵamdyq-saiasi qyzmetpen, onyń ishinde buqaralyq aqparat quraldary men telekommýnikatsiia jelilerin paidalaný quqyǵynan 3 jyl merzimge aiyryldy.
Sýret: kaztag.kz
