استانا قالالىق سوتى اپەللياسيالىق شاعىمدى قاناعاتتاندىرمادى. بۇل تۋرالى ادۆوكات مەيىرجان دوسقارايەۆ ايتتى.
مارات جىلانبايەۆتىڭ اپەللياسيالىق سوتى جابىق تۇردە ونلاين ءوتتى.
ايتا كەتەيىك، بىلتىر 29 قاراشادا استانا قالاسىنىڭ قىلمىستىق ىستەر جونىندەگى اۋدانارالىق سوتىندا تىيىم سالعان ەكسترەميستىك ۇيىمدى قارجىلاندىرعانى، ونىڭ قىزمەتىنە قاتىسقانى ءۇشىن جىلانبايەۆقا ۇكىم شىقتى.
سوت مالىمەتىنشە، ول قازاقستان اۋماعىندا تىيىم سالىنعان "قازاقستاننىڭ دەموكراتيالىق تاڭداۋى" ەكسترەميستىك ۇيىمىنىڭ جاقتاۋشىسى بولىپ، قدت كوشباسشىسىمەن جانە ونىڭ شەتەلدىك شتابىمەن بايلانىستا وتىرىپ، ولاردان قازاقستان رەسپۋبليكاسىنىڭ كونستيتۋسيالىق قۇرىلىمىن كۇشتەپ وزگەرتۋ ماقساتىن كوزدەيتىن تاپسىرمالار مەن نۇسقاۋلار العان.
وسىلايشا، سوت ۇكىمىمەن جىلانبايەۆ 7 جىلعا باس بوستاندىعىنان ايىرىلدى. سونىمەن قاتار، قوعامدىق-ساياسي قىزمەتپەن، ونىڭ ىشىندە بۇقارالىق اقپارات قۇرالدارى مەن تەلەكوممۋنيكاسيا جەلىلەرىن پايدالانۋ قۇقىعىنان 3 جىل مەرزىمگە ايىرىلدى.
سۋرەت: kaztag.kz
