“Jeke ómirimde sharýańyz bolmasyn”: Halyqqa dórekelik tanytqan Dáýlet Muqaevtyń videosy kóptiń talqysyna tústi

Astanada  májilis depýtaty ári kópshilikke tanymal bloger Dáýlet Muqaev narazy halyqpen sózge kelip qaldy, dep habarlaidy Dalanews.kz.

Áleýmettik jelide kópke kómek qolyn sozyp, halyqtyń ystyq yqylasyna bólenip kelgen depýtattyń qarapaiym turǵynmen sózge kelgen videosy tarady. Munda Muqaevtyń suraq qoiǵan áiel adamǵa dórekilik tanytqanyn baiqaýǵa bolady.

“Men sizge suraǵyńyzdy jazbasha jazyńyz dep aityp otyrmyn. Sizdiń suraǵyńyzdy ministrge qoiamyn. Parlament depýtaty - úkimet pen halyq arasyndaǵy kópir. Men sizge aityp otyrmyn resmi túrde jazyńyz. Sol jazbańyzdy ministrge jiberemin” - deidi Dáýlet Muqaev. 

Alaida ony videoǵa túsirip, suraǵyn qaita-qaita qoiǵan video avtoryna depýtat ashýlanǵanyn jetkizedi.

“Sizge ne boldy. Ol meni túsirip, kaifýet. Vse túsirmeńiz. Obed ýaqyty - meniń jeke ómirim. Birden ekige deiin. Sizdiń meniń jeke ómirimde sharýańyz bolmasyn. Politsiia shaqyryńyzshy” - dep sózin jalǵaidy depýtat.

Al videoǵa bailanysty halyqtyń pikiri ekige bólindi. Biri ony jaqtasa, biri dattap jatyr. Jeli qoldanýshylary “Depýtatqa sailanǵansha bári jaqsy ǵoi”, “Dáýlet - óte jaqsy er azamat, osyndai qatyndar shańqyldap sóz bermeidi”, “Jap-jaqsy depýtat edi ǵoi, ne bolǵan?”, “Myna áiel tártipsiz eken” degen pikirlerin jaýdyrǵan.

Eske salsaq, Dáýlet Muqaev 2023 jyly Májilis Parlamentiniń kezekten tys sailaýynyń qorytyndysyna sáikes jeke mandatty okrýg boiynsha QR Májilisi Parlamentiniń depýtattyǵyna sailandy. Bul qyzmetke kelmes buryn halyqtyń áleýmettik jaǵdaiyn jaqsartýǵa barynsha úles qosty. Kópbalaly otbasylar men bilimdi jastarǵa qoldaý kórsetip, muqtaj jandarǵa kómek beretin “Dauletten qaiyrymdylyq qoryn” ashty. Qor osy kúnge deiin 57 otbasyǵa baspanaly bolý baqytyn syilady. Osyndai atqarylǵan ister memleket tarapynan baǵalanyp, 2020 jyly Prezident Q.K. Toqaevtyń qolynan “Eren eńbegi úshin” memlekettik marapatyna ie boldy.