استانادا ءماجىلىس دەپۋتاتى ءارى كوپشىلىككە تانىمال بلوگەر داۋلەت مۇقايەۆ نارازى حالىقپەن سوزگە كەلىپ قالدى، دەپ حابارلايدى Dalanews.kz.
الەۋمەتتىك جەلىدە كوپكە كومەك قولىن سوزىپ، حالىقتىڭ ىستىق ىقىلاسىنا بولەنىپ كەلگەن دەپۋتاتتىڭ قاراپايىم تۇرعىنمەن سوزگە كەلگەن ۆيدەوسى تارادى. مۇندا مۇقايەۆتىڭ سۇراق قويعان ايەل ادامعا دورەكىلىك تانىتقانىن بايقاۋعا بولادى.
ۆيدەو اۆتورىنىڭ مالىمدەۋىنشە ول سۇراعىنا جاۋاپ الا الماعان.
“مەن سىزگە سۇراعىڭىزدى جازباشا جازىڭىز دەپ ايتىپ وتىرمىن. ءسىزدىڭ سۇراعىڭىزدى مينيسترگە قويامىن. پارلامەنت دەپۋتاتى - ۇكىمەت پەن حالىق اراسىنداعى كوپىر. مەن سىزگە ايتىپ وتىرمىن رەسمي تۇردە جازىڭىز. سول جازباڭىزدى مينيسترگە جىبەرەمىن” - دەيدى داۋلەت مۇقايەۆ.
الايدا ونى ۆيدەوعا ءتۇسىرىپ، سۇراعىن قايتا-قايتا قويعان ۆيدەو اۆتورىنا دەپۋتات اشۋلانعانىن جەتكىزەدى.
“سىزگە نە بولدى. ول مەنى ءتۇسىرىپ، كايفۋەت. ۆسە تۇسىرمەڭىز. وبەد ۋاقىتى - مەنىڭ جەكە ءومىرىم. بىردەن ەكىگە دەيىن. ءسىزدىڭ مەنىڭ جەكە ومىرىمدە شارۋاڭىز بولماسىن. پوليسيا شاقىرىڭىزشى” - دەپ ءسوزىن جالعايدى دەپۋتات.
ال ۆيدەوعا بايلانىستى حالىقتىڭ پىكىرى ەكىگە ءبولىندى. ءبىرى ونى جاقتاسا، ءبىرى داتتاپ جاتىر. جەلى قولدانۋشىلارى “دەپۋتاتقا سايلانعانشا ءبارى جاقسى عوي”، “داۋلەت - وتە جاقسى ەر ازامات، وسىنداي قاتىندار شاڭقىلداپ ءسوز بەرمەيدى”، “جاپ-جاقسى دەپۋتات ەدى عوي، نە بولعان؟”، “مىنا ايەل ءتارتىپسىز ەكەن” دەگەن پىكىرلەرىن جاۋدىرعان.
ەسكە سالساق، داۋلەت مۇقايەۆ 2023 جىلى ءماجىلىس پارلامەنتىنىڭ كەزەكتەن تىس سايلاۋىنىڭ قورىتىندىسىنا سايكەس جەكە مانداتتى وكرۋگ بويىنشا ق ر ءماجىلىسى پارلامەنتىنىڭ دەپۋتاتتىعىنا سايلاندى. بۇل قىزمەتكە كەلمەس بۇرىن حالىقتىڭ الەۋمەتتىك جاعدايىن جاقسارتۋعا بارىنشا ۇلەس قوستى. كوپبالالى وتباسىلار مەن ءبىلىمدى جاستارعا قولداۋ كورسەتىپ، مۇقتاج جاندارعا كومەك بەرەتىن “Dauletten قايىرىمدىلىق قورىن” اشتى. قور وسى كۇنگە دەيىن 57 وتباسىعا باسپانالى بولۋ باقىتىن سىيلادى. وسىنداي اتقارىلعان ىستەر مەملەكەت تاراپىنان باعالانىپ، 2020 جىلى پرەزيدەنت ق.ك. توقايەۆتىڭ قولىنان “ەرەن ەڭبەگى ءۇشىن” مەملەكەتتىك ماراپاتىنا يە بولدى.
[video width="576" height="1024" mp4="https://dalanews.kz/wp-content/uploads/2024/01/v09044g40000cmf32v7og65nnhefupr0.mp4"][/video]
