Aqtaýda áiel júktilik týraly jalǵan anyqtama arqyly jazadan jaltarmaq bolǵan, dep habarlaidy dalanews.kz.
Politsiia qyzmetkerleri kólikti masań kúide basqarǵan áielge qatysty ákimshilik quqyqbuzýshylyq týraly hattama toltyrǵan. Bul úshin 15 táýlikke ákimshilik qamaqqa alý jáne 7 jyl merzimge kólik basqarý quqyǵynan aiyrý jazasy kózdelgen.
Isti qaraý barysynda quqyq buzýshy sotqa júktilik týraly dárigerdiń anyqtamasyn usynǵan. Osyǵan bailanysty sot ony ákimshilik qamaqtan bosatyp, 7 jyl merzimge kólik basqarý quqyǵynan aiyrý túrindegi qosymsha jazany ǵana taǵaiyndaǵan.
Aqtaý prokýratýrasy tekseris barysynda júktilik týraly anyqtama jalǵan ekenin anyqtaǵan. Prokýrordyń ótinishhaty boiynsha Mańǵystaý oblystyq soty birinshi satydaǵy sot qaýlysyn ózgertip, oǵan 15 táýlikke qamaqqa alý jazasyn taǵaiyndady.
Meditsinalyq qujatty qoldan jasaý, ony paidalaný deregi boiynsha meditsina qyzmetkeri men quqyq buzýshyǵa qatysty qylmystyq is qozǵaldy.
