Ótken ǵasyrdyń aiaǵynda Keńes imperiiasy óz ishinen irip-shirip ydyraǵanda, josparly ekonomikaǵa tusalyp, imperiianyń agrarly bazasyna ainalǵan, muhitqa shyǵar joly joq, qazba bailyq pen munai-gazǵa iek súiegen, úsh ǵasyrlyq bodandyqtyń saldarynan, óz elinde úlesi kemip, kóp ultty, kóp dindi ulttar laboratoriiasyna ainalǵan, territoriiasy álemniń toǵyzynshy ornyn ustaityn, shyt jańa respýblika dúniege kelgende, búkil álem jas eldiń keleshegine kúmánmen qaraǵan edi. Álemdegi «ystyq núktelerdi» sarapqa salǵan Batys saiasatshylarynyń joramaldary Qazaqstanǵa kelgende jańylysty. Beibitshilik súigish, tehnikýmnan joǵary bilimi bar halqy men isker de jigerli kóshbasshysy bar Qazaq eli memleket qurý men naryqty qatar alyp júrdi. Iadrolyq qarýdan bas tartty, arqanyń tósinde Astana saldy, Birikken ulttar uiymyna múshe bolyp, Eýropa qaýipsizdik uiymyna tóraǵalyq etti. Islam konferentsiiasyna qatynasyp, Shańhai yntymaqtastyq uiymyn qurýshylardyń biri boldy. Álemdik dinder sezin uiymdastyryp, Indiia men Pákistandy, Izrail men Palestinany bir ústel basyna otyrǵyzdy. Úlken segizdik pen G20-nyń qurmetti qonaǵy bolyp, BUU Qaýipsizdik keńesiniń 2017-2018 jyldarǵa arnalǵan turaqty emes múshesi bolyp sailandy. Qysqy Aziadany abyroimen atqaryp, óziniń sporttaǵy, mádeniettegi, týrizmdegi áleýetin áigiledi. Álemniń ár qiyrynda tirshilik kózin dátke qýat qylyp júrgen millionǵa tarta qandastaryn Otan qushaǵyna oraltyp, ystyq pen sýyqty birge kórip, ata-baba topyraǵynda bite qainasyp ketýine jaǵdai jasady. Osynyń bári ult pen ulttyń, din men dinniń, áleýmettik toptardyń arasyndaǵy súttei uiyǵan bereke -birliktiń, Ult kóshbasshysynyń sarabdal saiasatynyń arqasy. Tehnikanyń damýy, internettiń jalpylasýy álemniń tynysyn sát saiyn sezinetin dárejege jetkizdi. Ainalamyzǵa qarap shúkirshilik aitamyz. Dese de, synyqtan basqanyń bári juǵady degendei, bizdiń de ishi-syrtymyzdy keibir elester kezip júr. Berekemizdi, jetistigimizdi kóre almaityn mysyq tileýliler ár qadamymyzdy ańdyp tur.
Ýniversiada – jastardyń jarysy, básekesi. Jastardyń jigerin janidy, jastardy eńbekke, básekege, tabandylyqqa baýlidy. Jastar báseke arqyly ózin de, ózgeni de tanyp, álemmen bite qainasady. Bereke men beibitshilikti sezinedi. Jastar – bizdiń erteńimiz, bolashaǵymyz. Kim jastarǵa ie bolsa, bolashaq solardiki degen. Sol úshin jastardy qoldaiyq, eldigimizdi kórseteiik. Ult pen ulysqa, kári-jasqa, topqa bólinbei, Ýniversiadanyń aýqymdy, sapaly, maǵynaly, ertegidei bolyp ótiýne at salysaiyq. Bul da bir tarihi sheshýshi kezeń.
Buryn da Elbasynyń kóregen basshylyǵynda búkil el bolyp, talai ulanasyr dodalar men tarihi mańyzy bar jinalystardy dos qýanyp, dushpan kúiinetindei dárejede ótkizgen edik. Endi bir berekeniń, yntymaqtyń juldyzy janyp, álemniń ańsaryn bizge aýdaratyn tarihi sát týyp tur, Qazaq eli. «Jebeý» Respýblikalyq qoǵamdyq birlestigi 2015 jyly aqpannyń 26-synda Otanǵa oralǵan, millionǵa tarta qandastar atynan, Elbasy Nursultan Nazarbaevtyń merziminen buryn ótetin prezidenttik sailaýǵa qatynasýyn ótinip, baspasóz máslihatyn ótkizgen edi. Endi, mine, birlestik quryltaishylary, músheleri búkil otandastarymyzdy osy dodany qoldap, qýattaýǵa shaqyrady.
Saiypqyrandarymyz mańdaiy jarqyrap, báigeden kelsin.
Omaráli ÁDILBEK , «Jebeý» Respýblikalyq qoǵamdyq birlestigi tóraǵasy
2017 jyl 25 Aqpan, Almaty qalasy
