Respýblika kúni qarsańynda Shyǵys Qazaqstan oblysynda eńbegi elengen birqatar azamat marapattaldy, dep habarlaidy Dalanews.kz.
Eńbekte nátijege qol jetkizgen eńbek adamdary alǵys arqalap, keýdelerine “Eńbek ereni úshin” medalin taqty. Olardyń ishinde qarapaiym traktorshydan bastap, sheneýnikke deiin bar.
Al, Qazaqstannyń belgili jazýshysy, Katonqaraǵai aýdanynyń týmasy Álibek Asqar “Shyǵys Qazaqstan oblysynyń Qurmetti azamaty” atandy.
Álibek Asqar uzaq jyldar memlekettik qyzmette tabandy eńbek etken. Sonymen qatar shyǵarmashylyqtan da alystaǵan joq. Kerisinshe, júzdegen kitap jazdy. Tipti, áńgime, povesteri basqa da tilderge aýdaryldy. Atap aitsaq, “Ór Altai, men qaiteiin biigińdi?!”, “Erte túsken bozqyraý”, “Altaida qońyr kúz edi”, “Monolizanyń portreti” syndy týyndylardyń avtory. Jýyqta ǵana “Iakýtiia. Aq qar, kók muz mekenine saiahat” atty safari janryndaǵy kitaby jaryq kórdi.
Saltanatty sharadan soń marapattalǵandar estelik sýretke tústi.
Sondai-aq, “Shyǵys Qazaqstan oblysynyń Qurmetti azamaty” ataǵy Boris Sherbakovke, Saǵynbek Aqanovqa, Ǵani Shaimardanovqa berildi.
