رەسپۋبليكا كٷنٸ قارساڭىندا شىعىس قازاقستان وبلىسىندا ەڭبەگٸ ەلەنگەن بٸرقاتار ازامات ماراپاتتالدى, دەپ حابارلايدى Dalanews.kz.
ەڭبەكتە نەتيجەگە قول جەتكٸزگەن ەڭبەك ادامدارى العىس ارقالاپ, كەۋدەلەرٸنە “ەڭبەك ەرەنٸ ٷشٸن” مەدالٸن تاقتى. ولاردىڭ ٸشٸندە قاراپايىم تراكتورشىدان باستاپ, شەنەۋنٸككە دەيٸن بار.
ال, قازاقستاننىڭ بەلگٸلٸ جازۋشىسى, كاتونقاراعاي اۋدانىنىڭ تۋماسى ەلٸبەك اسقار “شىعىس قازاقستان وبلىسىنىڭ قۇرمەتتٸ ازاماتى” اتاندى.
ەلٸبەك اسقار ۇزاق جىلدار مەملەكەتتٸك قىزمەتتە تاباندى ەڭبەك ەتكەن. سونىمەن قاتار شىعارماشىلىقتان دا الىستاعان جوق. كەرٸسٸنشە, جٷزدەگەن كٸتاپ جازدى. تٸپتٸ, ەڭگٸمە, پوۆەستەرٸ باسقا دا تٸلدەرگە اۋدارىلدى. اتاپ ايتساق, “ٶر التاي, مەن قايتەيٸن بيٸگٸڭدٸ?!”, “ەرتە تٷسكەن بوزقىراۋ”, “التايدا قوڭىر كٷز ەدٸ”, “مونوليزانىڭ پورترەتٸ” سىندى تۋىندىلاردىڭ اۆتورى. جۋىقتا عانا “ياكۋتييا. اق قار, كٶك مۇز مەكەنٸنە ساياحات” اتتى سافاري جانرىنداعى كٸتابى جارىق كٶردٸ.
سالتاناتتى شارادان سوڭ ماراپاتتالعاندار ەستەلٸك سۋرەتكە تٷستٸ.
سونداي-اق, “شىعىس قازاقستان وبلىسىنىڭ قۇرمەتتٸ ازاماتى” اتاعى بوريس ششەرباكوۆكە, ساعىنبەك اقانوۆقا, عاني شايماردانوۆقا بەرٸلدٸ.
