2023 jyly Batys Qazaqstan oblysynda jastarǵa arnalǵan «Jaiyq jastary» turǵyn úi baǵdarlamasy iske qosylǵan bolatyn. Bul baǵdarlama jastardy qoljetimdi baspanamen qamtamasyz etý maqsatynda júzege asyrylyp otyr, – dep habarlaidy Dalanews.kz Batys Qazaqstan oblysy ákiminiń baspasóz qyzmetine silteme jasap.
«Jaiyq jastary» turǵyn úi baǵdarlamasyn júzege asyrý úshin byltyr oblystyq biýdjetten 600 mln teńge qarajat bólindi. Ótken jyly mádeniet, sport, densaýlyq saqtaý, kommýnaldyq kásiporyn, bilim berý salasy jáne jergilik atqarýshy organdarynda qyzmet atqaratyn memlekettik qyzmetkerler sanattary boiynsha ótinimder qabyldandy. Baǵdarlama aiasynda barlyǵy 1040 ótinim qabyldanyp, 41 jas qonys toiyn toilady.
Biylǵy jyly da atalǵan baǵdarlamany júzege asyrýǵa degen suranystyń joǵarylyǵyna bailanysty, ótken jylǵymen salystyrǵanda birqatar ózgerister eńgizildi. Turǵyn úi satyp alýdyń shekti somasy 15-ten 18 mln- ǵa deiin kóterildi.
Baǵdarlamaǵa qatysýshy jastar sanatyna quqyq qorǵaý organdarynyń qyzmetkerleri, jastar qoǵamdyq birlestiginde qyzmet atqaratyn jastar sanattary qosylyp otyr.
Biyldan bastap BQO Tsifrlyq tehnologiialar basqarmasymen birlesken arnaiy sait jasaqtalýda. Bul ótinim berýshilerge yńǵaily platforma bolmaq. Kandidattar elektrondy tsifrlyq qoltańba arqyly qajetti qujattardy tirkei otyryp, ótinimdi toltyryp baǵdarlamanyń qatysýshysy atana alady. Budan bólek, oblystyq maslihat sheshimimen atalǵan baǵytta qosymsha 1 323 mln teńge qarajat bólindi.
