2023 جىلى باتىس قازاقستان وبلىسىندا جاستارعا ارنالعان «جايىق جاستارى» تۇرعىن ءۇي باعدارلاماسى ىسكە قوسىلعان بولاتىن. بۇل باعدارلاما جاستاردى قولجەتىمدى باسپانامەن قامتاماسىز ەتۋ ماقساتىندا جۇزەگە اسىرىلىپ وتىر، – دەپ حابارلايدى Dalanews.kz باتىس قازاقستان  وبلىسى اكىمىنىڭ باسپا ءسوز قىزمەتىنە سىلتەمە جاساپ.

«جايىق جاستارى» تۇرعىن ءۇي باعدارلاماسىن جۇزەگە اسىرۋ ءۇشىن بىلتىر وبلىستىق بيۋدجەتتەن 600 ملن تەڭگە قاراجات ءبولىندى. وتكەن جىلى مادەنيەت، سپورت، دەنساۋلىق ساقتاۋ، كوممۋنالدىق كاسىپورىن، ءبىلىم بەرۋ سالاسى جانە جەرگىلىك اتقارۋشى ورگاندارىندا قىزمەت اتقاراتىن مەملەكەتتىك قىزمەتكەرلەر ساناتتارى بويىنشا وتىنىمدەر قابىلداندى. باعدارلاما اياسىندا بارلىعى 1040 ءوتىنىم قابىلدانىپ، 41 جاس قونىس تويىن تويلادى.

بيىلعى جىلى دا اتالعان باعدارلامانى جۇزەگە اسىرۋعا دەگەن سۇرانىستىڭ جوعارىلىعىنا بايلانىستى، وتكەن جىلعىمەن سالىستىرعاندا ءبىرقاتار وزگەرىستەر ەڭگىزىلدى. تۇرعىن ءۇي ساتىپ الۋدىڭ شەكتى سوماسى 15-تەن 18 ملن- عا دەيىن كوتەرىلدى.

باعدارلاماعا قاتىسۋشى جاستار ساناتىنا قۇقىق قورعاۋ ورگاندارىنىڭ قىزمەتكەرلەرى، جاستار قوعامدىق بىرلەستىگىندە قىزمەت اتقاراتىن جاستار ساناتتارى قوسىلىپ وتىر.

بيىلدان باستاپ بقو سيفرلىق تەحنولوگيالار باسقارماسىمەن بىرلەسكەن ارنايى سايت جاساقتالۋدا. بۇل ءوتىنىم بەرۋشىلەرگە ىڭعايلى پلاتفورما بولماق. كانديداتتار ەلەكتروندى سيفرلىق قولتاڭبا ارقىلى قاجەتتى قۇجاتتاردى تىركەي وتىرىپ، ءوتىنىمدى تولتىرىپ باعدارلامانىڭ قاتىسۋشىسى اتانا الادى.  بۇدان بولەك، وبلىستىق ماسليحات شەشىمىمەن اتالعان باعىتتا قوسىمشا 1 323 ملن تەڭگە قاراجات ءبولىندى.