Túrkistan oblysynda ótken «Sheksiz baýyrlastyq» oqý-jattyǵýynda alty eldiń arnaiy kúshteri oqý-jattyǵýy ótti. Áskeri sharaǵa Ázerbaijan, Qatar, Pákistan, Túrkiia, Ózbekstan qarýly kúshteri men Qazaqstan kúshtik qurylymdary qolbasshylyǵynyń ókilderi baqylady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysynda ótken oqý-jattyǵýǵa Iordaniia men Qyrǵyzstan Qarýly kúshteriniń ókilderi baqylaýshy retinde shaqyryldy.
«Orda» oqý poligonynda sheteldik áriptesterdiń nazaryna qarý-jaraq pen áskeri tehnika kórmesi, sondai-aq kiim úlgileri kórsetildi. Aǵymdaǵy jedel-taktikalyq jaǵdaimen tanysqannan keiin praktikalyq is-qimyldar ótti.
Alty el áskeri kontingentterinen quralǵan birikken toptyń aldyna shekarany buzyp ótip, eldi mekenge tyǵylǵan zańsyz qarýly quralymdy taýyp, kózin joiý mindeti qoiyldy. Sodyrlardyń ushqyshsyz ushaqtardyń kómegimen birikken áskerler tobyna soqqy bermek bolǵan áreketine radioelektrondy soǵys quraldarymen toitarys berildi.
Birikkken toptyń taktikalyq áýe desanty túsirildi. Arnaiy maqsattaǵy bólimshelerdiń shabýylyna kamikadze drondary men áskeri aviatsiia shabýyldary, kvadrotsiklmen qozǵalatyn utqyr toptar qoldaý kórsetti. Ákimshilik ǵimaratqa jasalǵan shabýyldan keiin drondardyń kómegimen týnnelden ótpek bolǵan jaý kúshi tolyq joiyldy.
Qorǵanys vedomstvosynyń basshysy general-polkovnik Rýslan Jaqsylyqov oqý-jattyǵýǵa qatysýshylardy arnaiy operatsiianyń sátti aiaqtalýymen quttyqtady.
– Terroristik qaýipterdiń ósýin eskere otyryp, biz áskeri qaýipsizdik salasyndaǵy kúsh-jigerdi biriktire beremiz. Oqý-jattyǵýda daǵdarystyq jaǵdaida basqarý organdary men baǵynysty bólimshelerdiń is-qimyl algoritmderi pysyqtaldy. Birlesken operatsiiany júrgizý áskeri kontingentterdiń úilesimdi ári tiimdi áreket etýge daiyndyǵyn kórsetti, – dep atap ótti ol.
Oqý-jattyǵý jiynyn Túrkistan oblysy ákiminiń birinshi orynbasardy Zulpyhar Joldasov ta tamashalap, áskerilerge qoldaý kórsetti.
Oqý-jattyǵý qorytyndysy boiynsha úzdik jaýyngerlerdi marapattaý rásimi ótti. Áskeri jattyǵýǵa barlyǵy tórt júzden astam áskeri qyzmetshi qatysty.
