Almaty ákimi Darhan Satybaldy Naýryzbai aýdanynda jiyn ótkizip, oǵan aýdan ákimdik basshylyǵy, tiisti basqarma men kommýnaldyq qyzmet ókilderi qatysty,- dep habarlaidy Dalanews.kz
Keńes barysynda birqatar infraqurylymdyq jáne áleýmettik nysannyń, sonyń ishinde sý jáne káriz jelileriniń, sondai-aq mektep qurylysyna qatysty túitkildi máseleler qaraldy. Jumys qarqynynyń baiaýlyǵyna jol bermeý kerektigi erekshe ataldy.
«Búgin kóterilgen barlyq másele hattamaǵa engizilip, baqylaýǵa alynady. Injenerlik jeli, jol men abattandyrý basty nazarda tur. Sebebi bul turǵyndardy jii alańdatatyn jaittar», – dedi qala ákimi.
Shuǵyla shaǵynaýdanyndaǵy magistraldyq gaz qubyrynyń qurylysyna basa nazar aýdaryldy. Jumys qarqyny men sapanyń tómendigi, sondai-aq, kommýnaldyq maqsatta qazylǵan jerlerdiń der kezinde kóriktendirilmeitini tilge tiek etildi.
«Qalada mindettemesin oryndamaityn, litsenziialyq talaptardy buzatyn merdigerler sot arqyly jaýapsyz dep tanylyp, litsenziiasynan aiyrylýy kerek. Bir ret qatań tártip ornatyp, odan keiin barlyǵy jaýapkershilikti túsinetindei jasaý qajet. Qalaǵa jumys isteýge kelgen árbir kompaniia jumysyn adal atqarýǵa mindetti», – dedi Darhan Satybaldy.
Halyq sany ósip jatqan aýdanda áleýmettik nysandardy kóbeitý de mańyzdy. Jyl sońyna deiin «Keleshek mektepteri» ulttyq jobasy men ózge de baǵdarlamalar aiasynda 8 myńnan astam oqýshyǵa arnalǵan 6 jańa mektep pen qosymsha ǵimarattar paidalanýǵa beriledi.
Sol kúni ákim turǵyndardy qabyldap, sýmen jabdyqtaý, jol, qoǵamdyq kóliktiń jumysy, abattandyrý, basqarýshy kompaniialardyń qyzmeti jáne qala qurylysy normalarynyń saqtalýy boiynsha ótinishterdi qarady. Árbir másele boiynsha túsindirme berilip, naqty oryndalý merzimi anyqtaldy.
