Túrkistan oblysynda 99 296 múgedektigi bar adam esepte tur. Onyń ishinde 84 206 adam 18 jastan asqandar, 15 020 adam múmkindigi shekteýli balalar. Túrkistan oblysynda áleýmettik qorǵaý salasynda statsionarlyq jáne jartylai statsionarlyq jaǵdailardaǵy arnaýly áleýmettik qyzmetter túrlerin alýǵa quqyly 34 370 múgedektigi bar adam tirkeýge alynǵan. Solardyń 1349 adamy jyl basynan beri atalǵan qyzmet túrlerimen qamtylǵan, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Ońaltý ortalyqtarynyń jáne áleýmettik nysandarynyń qurylysy týraly oblys ákimi Darhan Satybaldynyń tóraǵalyǵymen ótken jiynda talqylandy.
Oblystyq jumyspen qamtýdy úilestirý jáne áleýmettik baǵdarlamalar basqarmasyna qarasty 14 mekeme qyzmet kórsetedi. Onyń ishinde 4 statsinarlyq úlgidegi arnaýly áleýmettik qyzmetter kórsetý ortalyqtary jumys jasasa, jartylai statsionarlyq úlgidegi 6 ońaltý ortalyqtarynda jalpy sany 240 múmkindigi shekteýli janǵa qyzmet kórsetiledi.
Saýran aýdanyna qarasty Oranǵai aýylynda eresek múgedektigi bar adamdarǵa arnalǵan 200 oryndyq ońaltý ortalyǵynyń qurylysy aiaqtalýda. Oǵan qosa aýdanda ótken jyly qurylysy bastalǵan 50 oryndyq tirek-qimyly buzylǵan múgedektigi bar balalarǵa arnalǵan arnaýly áleýmettik ortalyǵy salynyp jatyr. Merdiger mekeme «KAZ Intel Group» JShS. Qurylystyń jalpy quny 3,2 mlrd.teńgeni quraidy. Ortalyqtyń qurylys jumystary 2025 jylǵa ótpeli.
Biyl oblys kóleminde «Aýtizm ortalyǵyn» qurý qaralyp, bul baǵytta tiisti jumystar atqarylýda. Ortalyq kúndizgi ýaqytta 3-18 jas aralyǵyndaǵy aýtizm jáne basqa da mentaldy buzylystary bar balalarǵa arnaýly áleýmettik qyzmetter kórsetedi dep josparlanýda. Josparǵa sáikes jalǵa alynǵan ǵimaratta qurylys jóndeý jumystary aiaqtalǵan soń jyl sońyna deiin jańa ortalyq qurylmaq. Ortalyq zamanaýi qural-jabdyqtar men ozyq úlgidegi ádis-tásilderdi qoldaný arqyly aýtizm jáne basqa da mentaldi aýytqýy bar balalarǵa qyzmet kórsetetin bolady.
Túrkistan oblystyq jumyspen qamtý jáne áleýmettik baǵdarlamalar basqarmasynyń basshysy Ásiia Temirbaevanyń aitýynsha, oblys kóleminde 236 727 zeinetker tirkelgen. Onyń 11- i Uly Otan soǵysynyń ardageri, 6 573-i tyl ardageri, 229,4 myńy zeinetkerler, qalǵan 62,8 myńy kópbalaly batyr analar.
Sonymen qatar aǵa urpaqty áleýmettik qorǵaý maqsatynda beiimdeý jáne saýyqtyrýǵa arnalǵan «Meiir» ardagerler úii men «Ardagerler úiinde» jyl saiyn 8 myńǵa jýyq qariia densaýlyǵyn túzeýge múmkindik alyp keledi. Qazirgi tańda zeinetkerlerge laiyqty áleýmettik qoldaý kórsetý úshin biznestiń áleýmettik jaýapkershiligi aiasynda zamanýi talaptarǵa sáikestendirilgen ǵimarat salý kózdelýde.
2023 jyldyń ekinshi jartyldyǵynan bastap Túrkistan oblysy ákimdiginiń qaýlysymen oblystyq «Eńbek mobildiligi ortalyǵy» qurylyp, oblystyń 17 aýdan, qalasynda «Mansap ortalyqtary» iske qosylǵan. Kelesi jyldan bastap Mansap ortalyqtarynyń ǵimarattaryna kúrdeli jóndeý jumystaryn júrgizý qarastyrylady.
