Mundai pikirdi Aziiadaǵy senim sharaly jáne óz áriptestik keńesiniń atqarýshy direktory Qairat Sarybaiuly bildirdi. Sharaǵa Dalanews.kz tilshisi de qatysqan bolatyn.
Onyń atap ótkenindei Úkimet jumysynda jastar saiasatynda mańyzdy oryn berilýi tiis. Smailov úkimetiniń ekonomikalyq hám áleýmettik saiasatynda jastar máselesine basymdyq berilýi qajet. Jastar máselesin talqylaýdy jastardyń ózine tabystaǵan durys. Bul iske aǵa býyn aralassa, eski kózqarastyń sheńberinen shyǵa almaimyz.
Sói degen Sarybaiuly myrza:
«Qańtar oqiǵasynan keiin jastar saiasatyna qatysty kózqaras ta kúrt ózgerdi.
Eń aldymen elimizdegi irgeli saiasi uiymnyń jastar qanaty tolyq túrlenip, qaitadan quryldy. Jańa Qazaqstan jastar máselesine kelgende eski túsinikten arylýy qajet. Jastardy uranshyl, dabyrashyl aktsiialardan aýlaq ustaýymyz kerek.
Jastarmen jumys isteýde jańa tásilderge muhtajbyz. Bálkim bul turǵyda sheteldiń tájiribesine súiengenimiz durys shyǵar», – deidi ol.
Onyń pikirinshe shetel tájiribesin sóz etkende, ony tolyq kóshirip alý qatelikke uryndyrady.
«Úkimet jastar saiasatynda tabysqa jetken memleketterdiń tájiribesin elekten ótkizýi kerek. Alysqa barmai-aq Aziia elderimen pikir almasýǵa bolady. Máselen, Singapýr, Koreia sekildi elderde jastar saiasaty el Úkimetiniń kún tártibine engen máseleniń biri. Bul elderdiń basshylyǵy jastar máselesin olardyń ózine tabystaǵan, iaǵni, olarmen udaiy bailanys ornatyp, oi – pikir almasyp otyrady. Jastarǵa qatysty memlekettik baǵdarlama qabyldarda, aldymen jas aýditoriianyń talap-tilegin tyńdap alady», – deidi sarapshy.
