Oblystyq din isteri basqarmasynyń «Din máselelerin zertteý ortalyǵy» KMM-nyń tapsyrysy boıynsha is-sharany «Altyn orda» qoǵamdyq qory jáne aýdandyq «Jastar resýrstyq ortalyǵy» KMM-i uıymdastyrdy.
Jobanyń maqsaty – qoǵamdaǵy ózge aǵymdar men túrli jaman ádetterden jastardy saqtandyrý. Atap aıtqanda, nashaqorlyq, túrli ózge aǵymdar, ǵalamtorda ýaqytta bosqa ketirý, zınaqorlyq, qumar oıyndary, ekstremızm men terorızm sıaqty qazaqtyń dástúr-ǵurpyna jat teris qylyqtardan jastardyń boıyn aryltý.
26-qyrkúıek kúni eń alǵash bolyp Shymkent qalasynan bastaý alǵan fleshmob estafeta retinde Túrkistan oblysynyń barlyq aýdandary men qalalarynda jalǵasyp keledi. 15 adamnan turatyn úgit-nasıhat toby Saryaǵash aýdanynyń estafetasyn Maqtaaral aýdanynda jalǵady. Búgin Myrzakent kentinde 500-den asa maqtaaraldyq jastar fleshmob ótkizip, ózge aǵymdar men jat ádetterge qarsy turý úshin urandady. Sondaı-aq, aýdan jastary kenttegi «Aq altyn» mádenıet úıinde «Aq pen qara» atty qoıylymdy tamashalady.
Aıta keteıik, maqtaly aýdannyń jastary «Biz ekstremızmge jáne terorızmge qarsymyz!» atty jastar arasyndaǵy fleshmobtyń estafetasyn shaǵalaly Shardara aýdanyna joldady.
Maqtaaral aýdany ákiminiń baspasóz qyzmeti
