Astana ekonomikalyq forýmy aiasynda Qazaqstan, Ázerbaijan jáne Ózbekstannyń Energetika ministrlikteri jasyl energiia kózderi men ony kelesheginen mol úmit kúttiretin naryqtarǵa tasymaldaý týraly kelisim jasasty. Eýroodaq bizden taza elektr energiiasyn alýǵa yntaly eken.
QR Energetika ministri Almasadam Satqaliev eldegi jasyl energetika óndirisin damytýǵa qatysty josparlardy aityp berdi. Ministrdiń sózine súiensek, Ázerbaijan qazir Qara teńiz tabanyna elektr kabelin tartý jobasyn jan-jaqty zerttep jatqan kórinedi. Eýroodaq ta aldyn ala zerttep, biraz jumys atqarǵan. Sonyń nátijesinde ol tarap taza elektr energiiasyn bizden alýǵa qyzyǵýshylyq bildirip otyr desedi.
«Qazaqstan, Ázerbaijan jáne Ózbekstan elderi Kaspii tabanyna joǵary kerneýli elektr kabelin tartý týraly kelisimge qol qoidy. Bul bizge taza jańartylatyn energiiany áleýetti naryqtarǵa jetkizýge múmkindik beredi. Munda úlken kólemdegi investitsiialar týraly áńgime bolyp otyr. Biz ol úshin Kaspii mańyndaǵy óńir men Araldyń áleýetin paidalanamyz dep josparlap otyrmyz», — deidi Satqaliev.
