استانا ەكونوميكالىق فورۋمى اياسىندا قازاقستان، ازەربايجان جانە وزبەكستاننىڭ ەنەرگەتيكا مينيسترلىكتەرى جاسىل ەنەرگيا كوزدەرى مەن ونى كەلەشەگىنەن مول ءۇمىت كۇتتىرەتىن نارىقتارعا تاسىمالداۋ تۋرالى كەلىسىم جاساستى. ەۋرووداق بىزدەن تازا ەلەكتر ەنەرگياسىن الۋعا ىنتالى ەكەن.
ق ر ەنەرگەتيكا ءمينيسترى الماسادام ساتقالييەۆ ەلدەگى جاسىل ەنەرگەتيكا ءوندىرىسىن دامىتۋعا قاتىستى جوسپارلاردى ايتىپ بەردى. ءمينيستردىڭ سوزىنە سۇيەنسەك، ازەربايجان ءقازىر قارا تەڭىز تابانىنا ەلەكتر كابەلىن تارتۋ جوباسىن جان-جاقتى زەرتتەپ جاتقان كورىنەدى. ەۋرووداق تا الدىن الا زەرتتەپ، ءبىراز جۇمىس اتقارعان. سونىڭ ناتيجەسىندە ول تاراپ تازا ەلەكتر ەنەرگياسىن بىزدەن الۋعا قىزىعۋشىلىق ءبىلدىرىپ وتىر دەسەدى.
«قازاقستان، ازەربايجان جانە وزبەكستان ەلدەرى كاسپيي تابانىنا جوعارى كەرنەۋلى ەلەكتر كابەلىن تارتۋ تۋرالى كەلىسىمگە قول قويدى. بۇل بىزگە تازا جاڭارتىلاتىن ەنەرگيانى الەۋەتتى نارىقتارعا جەتكىزۋگە مۇمكىندىك بەرەدى. مۇندا ۇلكەن كولەمدەگى ينۆەستيسيالار تۋرالى اڭگىمە بولىپ وتىر. ءبىز ول ءۇشىن كاسپيي ماڭىنداعى ءوڭىر مەن ارالدىڭ الەۋەتىن پايدالانامىز دەپ جوسپارلاپ وتىرمىز»، — دەيدى ساتقالييەۆ.
