Búgin Astana qalasy Jastar saiasaty máseleleri basqarmasynyń qoldaýymen «Jasyl el» jastar eńbek jasaqtary kezekti «Taza dúisenbi» aktsiiasyn ótkizdi, – dep habarlaidy Dalanews.kz elorda ákimdiginiń resmi saityna silteme jasap.
Atalǵan is-sharany «Taza Qazaqstan. Astana – tazalyq pen tártiptiń úlgisi» aýqymdy ekoaktsiiasy aiasynda «Respýblikalyq stýdenttik qurylys jáne jastar jasaqtary qozǵalysy» qoǵamdyq qory uiymdastyrdy.
170-ten asa jas Respýblikalyq bas meshit aýmaǵynda tazalyq jumystaryn atqardy.
Uiymdastyrýshylardyń aitýynsha, aktsiianyń maqsaty – qalanyń ekologiialyq jaǵdaiyn jaqsartý jáne tazalyqty saqtaý.
«Jasyl el» baǵdarlamasyn iske asyrý – memlekettik jastar saiasatynyń negizgi basym baǵyttarynyń biri.
– Bul elde kógaldandyrý, abattandyrý jumystaryn júrgizý arqyly stýdent jastardy eńbekpen qamtamasyz etý, kópshilik arasynda ekologiialyq tárbieni nasihattaý, óskeleń urpaqtyń óziniń jerine, eline degen súiispenshiligin qalyptastyrý maqsatynda uiymdastyrylýda.
Sondai-aq, búgingi is-shara barysynda «Óndiris» turǵyn alabynyń ainalasyn tazartý jumystary júrgizildi. Ekologiialyq sana men mádenietti qalyptastyrýymyz kerek. Ony árkim ózinen bastaǵany jón, – dedi «Respýblikalyq stýdenttik qurylys jáne eńbek jasaqtary qozǵalysy» qoǵamdyq qorynyń tóraǵasy Marat Muhamedjanov.
Aita keteiik, biyl «Jasyl el» eńbek jasaqtarynyń XX eńbek maýsymy bastaldy. Joba aiasynda elorda boiynsha 4 200-den astam 14 pen 35 jas aralyǵynda jastar jumyspen qamtamasyz etiledi.
Olar qalanyń qurylys nysanyndaryna, qala mańyndaǵy «jasyl beldeýde», áleýmettik nysandardy, jalpy bilim beretin mekemeler aýmaǵynda, qala saiabaqtaryna, kógaldandyrý jumystaryna atsalysady.
