«Jas sarbazdardyń» úzdikteri anyqtaldy
Mine, atalǵan memorandým aiasynda Shý aýdanynda «Jas sarbaz» áskeri-sporttyq oiyndarynan jarys uiymdastyrylyp, oǵan birqatar aýdan jastary qatysty. Jastar jyly aiasynda ótkizilip otyrǵan jarysty aýdandyq qorǵanys isteri jónindegi bóliminiń bastyǵy, podpolkovnik Nurlan Bódenuly men Jastar resýrstyq ortalyǵynyń direktory Ainur Rahymbaeva ashyp, jas sarbazdarǵa sáttilik tiledi. Aita ketý kerek, bul oiynǵa aýdandaǵy mektepterden jáne 29 jasqa deiingi jastardan quralǵan 5 komanda qatysyp, áskeri-sporttyq oiyndardyń 6 túrinen synǵa tústi. Dálirek aitar bolsaq, AK-74 avtomatyn ýaqytqa shashyp-jinaý, plash túrindegi jalpy áskeri qorǵanysh tolymyn ýaqytqa kiip-sheshý, 1 shaqyrym qashyqtyqqa júgirý, gir tasyn kóterý, týrnikke tartylý, sonymen birge qyzdar arasynda jerge tirelip jatyp qoldardy búgý jáne jazý boiynsha baq synady.
Jarys qorytyndysy boiynsha AK-74 avtomatyn ýaqytqa shashyp-jinaýdan Jibek joly mektep litseiiniń oqýshysy Meiirjan Ermek óziniń jyldamdyǵymen kózge tússe, qyzdar arasynda №40 orta mektebinen Arýjan Aman úzdik shyqty. 1 shaqyrym qashyqtyqqa júgirý synynda Alǵa orta mektebiniń oqýshysy Aqyljan Qutbai birinshi orynǵa ie bolsa, qyzdar arasynda T.Áshimbaev atyndaǵy mekteptiń oqýshysy Baljan Serik qarsylas shaq keltirmedi. Al, týrnikke tartylýda B.Momyshuly atyndaǵy orta mektepten Mahir Bairamov jeńimpaz bolsa, gir tasyn kóterýde №40 orta mektebiniń oqýshysy Temirlan Jańǵabylǵa eshkim teń kele almady. Sonymen qatar, plash túrindegi jalpy áskeri qorǵanysh tolymyn ýaqytqa kiip-sheshý synynda Ádilet Sadykov qarsylastarynan basym tússe, qyzdar arasynda jerge tirelip jatyp qoldardy búgý jáne jazýda Shakizat Tórebek birinshi orynnan kórindi. Jalpy alǵanda Shý qalasynan kelgen komanda jarys jeńimpazy atanyp, oblystyq «Jas sarbaz» áskeri-sporttyq oiyndaryna joldama aldy. Sonymen qatar, jarys jeńimpazdary arnaiy diplommen jáne baǵalaiy syilyqtarmen marapattaldy.
