Jas ónerpazdar synǵa tústi
Atalǵan «Juldyzai» shyǵarmashylyq festivali elimizdegi múmkindigi shekteýli balalar men jasóspirimderdi qoldaý maqsatynda 2005 jyldan beri uiymdastyrylyp kele jatqanyn aita ketýimiz qajet. Sáikesinshe, 14 jyldyq tarihy bar baiqaýdyń tarihynda talai-talai talantty balaǵa jol ashylyp, olardyń úlken belesterdi baǵyndyrýyna yqpal etti. Solardyń qatarynda aýdanymyzdyń maqtanyshy, «Juldyzai» shyǵarmashylyq festivaliniń oblystyq irikteý kezeńderinen súrinbei ótken Qýanysh Aresteevty aitýǵa bolady.
Aýdandyq irikteý kezeńine keler bolsaq, qatysqan eki toptyń da jas ónerpazdary «Vokal», «Horeografiia», «Aspapta oryndaý» jáne «Ym-isharatpen án aitý» syndy 5 atalym boiynsha synǵa tústi. Baiqaý qatysýshylaryna aýdan ákimdigi bilim bóliminiń bas mamany Láilá Begimbaeva, №1 saz mektebiniń meńgerýshisi Orynbasar Ýtebaeva jáne psihologiialyq-meditsinalyq-pedagogikalyq keńes mekemesiniń meńgerýshisi Murat Ábitbekov qazylyq etti. Eń alǵashqy bolyp sahna tórine shyqqan Nuraiym Karneeva «Ana janym» atty ánin oryndasa, Amandy Qaraqoishy «Qasietti dombyra» ánin kópshilik nazaryna usyndy. Sonymen birge, ózge de qatysýshylar án aityp qana qoimai, myń burala bi bilep, kórermendi súisintti.
Festival qorytyndysy boiynsha jas ónerpazdardyń arasynan 6 qatysýshy oblystyq kezeńge joldama aldy. Atap aitar bolsaq, M.Áýezov atyndaǵy mektepten Nurdaýlet Serǵali «Vokal» nominatsiiasy, S.Seifýllin atyndaǵy mektepten Parasat Jarylqasyn «Horeografiia» nominatsiiasy, A.S.Makarenko atyndaǵy mektepten Rasýl Shaýken «Vokal» nominatsiiasy, Ǵ.Muratbaev atyndaǵy mektepten Milana Karovina «Horeografiia» nominatsiiasy, T.Rysqulov atyndaǵy mektepten Arýjan Manasqyzy «Vokal» nominatsiiasy jáne №40 orta mektepten Álmuhamed Izmaǵanbet «Vokal» nominatsiiasy boiynsha úzdik shyǵyp, baiqaýdyń oblystyq kezeńine joldama aldy. Jarys sońynda jeńiske jetken úmitkerler arnaiy diplomdarmen marapattaldy. Jeńimpaz jerlesterimiz oblystyq kezeńde de úzdik óner kórsetip, irikteýden irkilmei ótedi degen senimdemiz!
Shý aýdany
