اتالعان «جۇلدىزاي» شىعارماشىلىق فەستيۆالى ەلىمىزدەگى مۇمكىندىگى شەكتەۋلى بالالار مەن جاسوسپىرىمدەردى قولداۋ ماقساتىندا 2005 جىلدان بەرى ۇيىمداستىرىلىپ كەلە جاتقانىن ايتا كەتۋىمىز قاجەت. سايكەسىنشە، 14 جىلدىق تاريحى بار بايقاۋدىڭ تاريحىندا تالاي-تالاي تالانتتى بالاعا جول اشىلىپ، ولاردىڭ ۇلكەن بەلەستەردى باعىندىرۋىنا ىقپال ەتتى. سولاردىڭ قاتارىندا اۋدانىمىزدىڭ ماقتانىشى، «جۇلدىزاي» شىعارماشىلىق فەستيۆالىنىڭ وبلىستىق ىرىكتەۋ كەزەڭدەرىنەن سۇرىنبەي وتكەن قۋانىش ارەستەيەۆتى ايتۋعا بولادى.
اۋداندىق ىرىكتەۋ كەزەڭىنە كەلەر بولساق، قاتىسقان ەكى توپتىڭ دا جاس ونەرپازدارى «ۆوكال»، «حورەوگرافيا»، «اسپاپتا ورىنداۋ» جانە «ىم-يشاراتپەن ءان ايتۋ» سىندى 5 اتالىم بويىنشا سىنعا ءتۇستى. بايقاۋ قاتىسۋشىلارىنا اۋدان اكىمدىگى ءبىلىم ءبولىمىنىڭ باس مامانى ءلايلا بەگىمبايەۆا، №1 ساز مەكتەبىنىڭ مەڭگەرۋشىسى ورىنباسار ۋتەبايەۆا جانە پسيحولوگيالىق-مەديسينالىق-پەداگوگيكالىق كەڭەس مەكەمەسىنىڭ مەڭگەرۋشىسى مۇرات ابىتبەكوۆ قازىلىق ەتتى. ەڭ العاشقى بولىپ ساحنا تورىنە شىققان نۇرايىم كارنەيەۆا «انا جانىم» اتتى ءانىن ورىنداسا، اماندى قاراقويشى «قاسيەتتى دومبىرا» ءانىن كوپشىلىك نازارىنا ۇسىندى. سونىمەن بىرگە، وزگە دە قاتىسۋشىلار ءان ايتىپ قانا قويماي، مىڭ بۇرالا بي بيلەپ، كورەرمەندى ءسۇيسىنتتى.
فەستيۆال قورىتىندىسى بويىنشا جاس ونەرپازداردىڭ اراسىنان 6 قاتىسۋشى وبلىستىق كەزەڭگە جولداما الدى. اتاپ ايتار بولساق، م.اۋەزوۆ اتىنداعى مەكتەپتەن نۇرداۋلەت سەرعالي «ۆوكال» نوميناسياسى، س.سەيفۋللين اتىنداعى مەكتەپتەن پاراسات جارىلقاسىن «حورەوگرافيا» نوميناسياسى، ا.س.ماكارەنكو اتىنداعى مەكتەپتەن راسۋل شاۋكەن «ۆوكال» نوميناسياسى، ع.مۇراتبايەۆ اتىنداعى مەكتەپتەن ميلانا كاروۆينا «حورەوگرافيا» نوميناسياسى، ت.رىسقۇلوۆ اتىنداعى مەكتەپتەن ارۋجان ماناس قىزى «ۆوكال» نوميناسياسى جانە №40 ورتا مەكتەپتەن المۇحامەد ىزماعانبەت «ۆوكال» نوميناسياسى بويىنشا ۇزدىك شىعىپ، بايقاۋدىڭ وبلىستىق كەزەڭىنە جولداما الدى. جارىس سوڭىندا جەڭىسكە جەتكەن ۇمىتكەرلەر ارنايى ديپلومدارمەن ماراپاتتالدى. جەڭىمپاز جەرلەستەرىمىز وبلىستىق كەزەڭدە دە ۇزدىك ونەر كورسەتىپ، ىرىكتەۋدەن ىركىلمەي وتەدى دەگەن سەنىمدەمىز!
شۋ اۋدانى
