Astana qalasy máslihatynyń depýtattary «Áreket etý ýaqyty» ózin-ózi basqarý kóshbasshylarynyń respýblikalyq quryltaiyna qatysýshylarmen kezdesip, áleýmettik bastamalardy talqylady, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Is-sharaǵa Qazaqstannyń óńirlerinen mektep parlamentteriniń 20-ǵa jýyq prezidenti men elordalyq máslihat depýtattary qatysty. Ashylý saltanatynda Astana qalasy máslihaty tóraǵasynyń mindetin atqarýshy Asqar Smaǵulov quttyqtaý sóz sóiledi.
– Búgin biz jastardy, mektep qaýymyn tolǵandyratyn máselelerdi talqylaý úshin jinaldyq. Áriptesterim máslihattyń qyzmeti týraly aityp, óz tájiribelerimen bólisedi. Sizderdiń árqaisyńyz óz mektebińizde túrli máseleler men qiyndyqtarǵa kezigip, olardy sheshýdiń biregei joldaryn taýyp, jańa ideialar engizip, mektep ómirin qyzyqty ári mazmundy etýge kómektesetin is-sharalar men jobalardy uiymdastyryp jatqandaryńyzǵa senimdimin.
Sizderdiń kúsh-jigerlerińiz qazirdiń ózinde jemisin berip jatyr, biraq bul sapardyń basy ǵana ekenin túsiný mańyzdy, – dedi ol.
Asqar Smaǵulov shara barysynda mundai kezdesýler jastar úshin ózekti máselelerdi jaqsy túsinýge yqpal etetinin jáne qalalyq deńgeide sheshim qabyldaý júiesi týraly bilýge kómektesetinin atap ótti.
– Qurmetti qatysýshylar, osy ýaqytty belsendi paidalanýǵa shaqyramyn. Jobalaryńyzben, tájiribelerińizben bólisińizder, kókeige tunyp qalǵan suraqtaryńyzdy qoiýdan tartynbańyzdar, tolǵandyratyn taqyryptardy talqylańyz. Bul kezdesý sizge jańa dostar men pikirlesterdi tabýǵa, sizdiń umtylystaryńyzda jalǵyz emes ekenińizdi, álemdi jaqsyraq etýdi qalaityn jáne basqa jigitterdiń bar ekenin kórýge múmkindik bolsyn. Al biz óz kezegimizde sizderdiń ideialaryńyzdyń júzege asýyn jeńildetip, isterińizde tabysqa jetýge barynsha kúsh salamyz, – dep túiindedi sózin Asqar Smaǵulov.
Is-sharany uiymdastyrýshylar atap ótkendei, kezdesýdiń negizgi maqsaty – jastar men máslihat ókilderi arasyndaǵy bailanysty nyǵaitý, sondai-aq balalar men jasóspirimderdiń áleýmettik bastamalarǵa belsendi qatysýy úshin jaǵdai jasaý.
Búgine Astana qalasynyń máslihaty turǵyndardyń ál-aýqatyn arttyrýǵa baǵyttalǵan áleýmettik bastamalardy belsendi túrde qoldap keledi. Máslihat depýtattary qalanyń damý josparlaryn, ekonomikalyq jáne áleýmettik baǵdarlamalaryn bekitip, olardyń oryndalýyn qadaǵalaýda mańyzdy rol ataqarady.
Máslihat depýtattary qalanyń áleýmettik nysandarynyń (mektepter, densaýlyq saqtaý uiymdary, memlekettik baǵdarlama boiynsha salynǵan turǵyn úiler) máselelerin talqylap, olardyń sheshimin tabýǵa atsalysady. Aitalyq, máslihatta elordanyń áleýmettik nysandarynyń problemalyq máseleleri boiynsha esep tyńdalyp, tiisti sharalar qabyldandy.
Osylaisha, Astana qalasynyń máslihaty áleýmettik bastamalardy qoldaý arqyly qala turǵyndarynyń ómir súrý sapasyn jaqsartýǵa jáne áleýmettik máselelerdi sheshýge eleýli úles qosýda.
